ಹೈದರಾಬಾದ್​​ಗೆ ಸುಮಲತಾ ಹೋಗಿದ್ದು ಯಾಕೆ..? ಯಾವ ಕಾರ್ಯಕ್ರಮ ಇದು..?

ನಟಿ ಕಂ ಸಂಸದೆ ಸುಮಲತಾ ಇತ್ತೀಚೆಗೆ ಹೈದರಾಬಾದ್​ನಲ್ಲಿ ಪ್ರತ್ಯಕ್ಷರಾಗಿದ್ರು. ಅದು ತೆಲುಗು ಸಿನಿಮಾ ರಂಗದ ದಿಗ್ಗಜರ ಜೊತೆ. ಇಷ್ಟಕ್ಕೂ ಸುಮಲತಾ ಹೈದರಾಬಾದ್​ನಲ್ಲಿ ಏನ್ಮಾಡ್ತಿದ್ರಪ್ಪ ಅಂದ್ರೆ, ತೆಲುಗು ಸಿನಿ ಪ್ರೊಡಕ್ಷನ್​​ ಸಿಲ್ವರ್ ಜ್ಯೂಬಲಿ ಸಂಭ್ರಮ ಆಚರಣೆಯಲ್ಲಿ ಸುಮಲತಾ ಪಾಲ್ಗೊಂಡಿದ್ರು. ಶನಿವಾರ ಹೈದರಾಬಾದ್​ನ ಇಂಡೋರ್​ ಸ್ಟೇಡಿಯಂನಲ್ಲಿ ಈ ಅದ್ಧೂರಿ ಕಾರ್ಯಕ್ರಮ ನಡೀತು.

ತೆಲುಗು ಚಿತ್ರರಂಗದ ಮೆಗಾಸ್ಟಾರ್ ಚಿರಂಜೀವಿ, ಸೂಪರ್​ಸ್ಟಾರ್ ಮಹೇಶ್ ಬಾಬು ಸೇರಿದಂತೆ ಹಲವು ದಿಗ್ಗಜ ನಟ, ನಟಿಯರು ಪಾಲ್ಗೊಂಡಿದ್ರು. ಈ ಸಂಭ್ರಮಕ್ಕೆ ನಟಿ, ಸಂಸದೆ ಸುಮಲತಾ ಕೂಡ ಸಾಕ್ಷಿಯಾದ್ರು. ಚಿರಂಜೀವಿ, ಜಯಸುಧಾ, ಜಯಪ್ರದ ಸೇರಿದಂತೆ ತನ್ನ ಸಮಕಾಲೀನ ನಟ, ನಟಿಯರ ಜೊತೆ ಕೆಲಕಾಲ ಮಾತುಕತೆ ನಡೆಸಿದ್ರು ಸುಮಲತಾ.

ಸುಮಲತಾ ಜೊತೆ ನಿರ್ಮಾಪಕ, ನಟ ರಾಕ್​​ಲೈನ್​ ವೆಂಕಟೇಶ್​ ಕೂಡ ಈ ಸಂಭ್ರಮಕ್ಕೆ ಸಾಕ್ಷಿಯಾದ್ರು. ಇನ್ನು, ವಿಶೇಷ ಅಂದ್ರೆ, ಈ ಕಾರ್ಯಕ್ರಮದಲ್ಲಿ ತೆಲುಗು ಚಿತ್ರರಂಗದ 12 ಖ್ಯಾತ ನಟಿಯರು ಡ್ಯಾನ್ಸ್ ಮಾಡಿದ್ದು ವಿಶೇಷ.