ಮುರುಗದಾಸ್ ಜೊತೆ ರಜನಿಕಾಂತ್​ ಪೊಲಿಟಿಕಲ್ ಥ್ರಿಲ್ಲರ್​ ಸಿನಿಮಾ

ರೈಸಿಂಗ್ ಕನ್ನಡ ಸಿನಿಮಾ : ಸೂಪರ್​ ಸ್ಟಾರ್ ರಜನಿಕಾಂತ್​ ಸದ್ಯ ದರ್ಬಾರ್ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ. ನಿರ್ದೇಶಕ ಮುರುಗದಾಸ್ ಡೈರೆಕ್ಟರ್ ಮಾಡ್ತಿರೋ ಪೊಲೀಸ್​ ಆ್ಯಕ್ಷನ್​ ಸಿನಿಮಾ ಇದಾಗಿದ್ದು, ರಜನಿಕಾಂತ್​ ಲೀಡ್ ರೋಲ್​ನಲ್ಲಿ ಕಾಣಿಕೊಂಡಿದ್ದಾರೆ. ಇನ್ನೂ, ಈ ಸಿನಿಮಾದ ಶೂಟಿಂಗ್ ಮುಗಿದಿಲ್ಲ. ಅದಾಗಲೇ ಮತ್ತೊಂದು ಸಿನಿಮಾಗೆ ಸ್ಕ್ರಿಪ್​ ರೆಡಿ ಮಾಡಿ ಎಂದು ರಜನಿಯೇ, ಮುರುಗದಾಸ್​ಗೆ ಹೇಳಿದ್ದಾರಂತೆ.

ಎಲ್ಲವೂ ಅಂದುಕೊಂಡತೇ ಆದ್ರೆ, ಮುರುಗದಾಸ್​ ಮತ್ತೊಮ್ಮೆ ರಜನಿಕಾಂತ್​ ಜೊತೆ ಸಿನಿಮಾ ಮಾಡ್ತಾರೆ. ಅದು ವಿಶೇಷ ಅಂದ್ರೆ, ಈ ಬಾರಿ ರಜನಿಕಾಂತ್​ಗೆ ಪೊಲಿಟಿಕಲ್ ಥ್ರಿಲ್ಲರ್​ ಕಥೆ ಹೊಂದಿರೋ ಸಿನಿಮಾ ಮಾಡೋಕೆ ಮುರುಗದಾಸ್ ರೆಡಿಯಾಗಿದ್ದಾರೆ. ಇನ್ನೇನು ತಮಿಳುನಾಡು ಚುನಾವಣೆಯೂ ಸಮೀಪಿಸ್ತಿದೆ. ರಜನಿಕಾಂತ್​ ಈಗಾಗ್ಲೇ ರಾಜಕೀಯದಲ್ಲಿ ಗುರುತಿಸಿಕೊಂಡಿದ್ದು, ತಮ್ಮ ರಾಜಕೀಯ ಎಂಟ್ರಿಗಾಗಿಯೇ ಮುರುಗದಾಸ್​, ರಜನಿಕಾಂತ್​ಗೆ ಸಿನಿಮಾ ರೆಡಿ ಮಾಡ್ತಾರೆ ಎನ್ನಲಾಗಿದೆ.

ಸದ್ಯ, ದರ್ಬಾರ್​ ಸಿನಿಮಾ ಮುಗಿದಮೇಲೆ ವಿಶ್ವಾಸಂ ಸಿನಿಮಾ ನಿರ್ದೇಶಕ ಶಿವ ಜೊತೆ ರಜನಿಕಾಂತ್​ ಸಿನಿಮಾ ಮಾಡಲಿದ್ದಾರೆ. ಆದ್ರೆ, ಶಿವ ಸದ್ಯ ಸೂರ್ಯ ನಟನೆಯೊಂದಿಗೆ ಸಿನಿಮಾ ಮಾಡ್ತಿದ್ದಾರೆ. ಒಂದ್ವೇಳೆ ದರ್ಬಾಸ್ ಸಿನಿಮಾ ಬೇಗ ಮುಗಿದು, ರಿಲೀಸ್ ಆಗ್ತಿದ್ದಂತೆ ಮುರುಗದಾಸ್​-ರಜನಿ ಜೋಡಿಯ ಪೊಲಿಟಿಕಲ್ ಥ್ರಿಲ್ಲರ್​ ಸಿನಿಮಾವನ್ನ ಶೀಘ್ರವೇ ತೆರೆ ಮೇಲೆ ನೋಡಬಹುದು.