Featured
ಮುಂಬೈ ಮಳೆಗೆ ಟ್ರಾಫಿಕ್ ಸಿಗ್ನಲ್ ಮುಳುಗಡೆ ಆಗಿವೆಯಾ..? ವೈರಲ್ ವಿಡಿಯೋದ ಅಸಲಿಯತ್ತೇನು.?
ರೈಸಿಂಗ್ ಕನ್ನಡ ಮುಂಬೈ : ಮಹಾರಾಷ್ಟ್ರದಲ್ಲಿ ಭಾರೀ ಮಳೆ ಆಗ್ತಿರೋದು ಗೊತ್ತೇ ಇದೆ. ಅದರಲ್ಲೂ ಭಾರೀ ಮಳೆಗೆ ಮುಂಬೈ ಅಕ್ಷರಶಃ ನಲುಗಿ ಹೋಗಿದೆ. ರಸ್ತೆಗಳು ಮುಳುಗಡೆಯಾಗಿವೆ. ಜನಜೀವನ ಅಸ್ತವ್ಯಸ್ತಗೊಂಡಿದೆ. ಈ ಮಧ್ಯೆ, ಮುಂಬೈನಲ್ಲಿ ಮಳೆಗೆ ಟ್ರಾಫಿಕ್ ಸಿಗ್ನಲ್ಗಳೇ ಮುಳುಗಿವೆ ಅನ್ನೋ ವಿಡಿಯೋವೊಂದು ವೈರಲ್ ಆಗಿದೆ. ನಿಜಕ್ಕೂ ಇದು ಮುಂಬೈನದ್ದೇನಾ..?
ಫಿಲ್ಮ್ಮೇಕರ್ ಆಗಿರೋ ವಿವೇಕ್ ಅಗ್ನಿಹೋತ್ರಿ ಈ ಕುರಿತ ವಿಡಿಯೋವೊಂದು ಶೇರ್ ಮಾಡಿದ್ದಾರೆ. ಟ್ರಾಫಿಕ್ ಸಿಗ್ನಲ್ ಮುಳುಗಿರೋ ವಿಡಿಯೋ ಅದಾಗಿದೆ. ಸುಮಾರು 2 ಲಕ್ಷ ಮಂದಿ ವೀಕ್ಷಣೆ ಮಾಡಿದ್ದು, ನಿಜಕ್ಕೂ ಇದು ಮುಂಬೈ ನಗರದ್ದೇನಾ ಅನ್ನೋ ಅನುಮಾನಕ್ಕೆ ಕಾರಣವಾಗಿದೆ.
ಹಾಲೋ ಟ್ರಾಫಿಕ್ ಪೊಲೀಸ್ ಆಫ್ ಮುಂಬೈ, ರಸ್ತೆಯನ್ನ ಸಿಗ್ನಲ್ಗಳೇ
ಕ್ರಾಸ್ ಮಾಡಿವೆ. ಇದೆಷ್ಟು ಸರಿ ಎಂದು ಪ್ರಶ್ನೆ ಮಾಡಿ ವಿಡಿಯೋ ಹಾಕಿದ್ದಾರೆ.
ಆದ್ರೆ, ಈ ವಿಡಿಯೋದ ಅಸಲಿಯತ್ತೇನು ಅಂತ ನೋಡಿದ್ರೆ, ಇದು ಮುಂಬೈನಲ್ಲಿನ ವಿಡಿಯೋ ಅಲ್ಲವೇ ಅಲ್ಲ. ಇದು ಚೀನಾದ್ದು. ವಿಡಿಯೋದಲ್ಲಿನ ಬೋರ್ಡ್ ಹಾಗೂ ಬೈಕ್ ಮೇಲಿನ ಬೋರ್ಡ್ ಕೂಡ ಇದು ಚೀನಾದ ವಿಡಿಯೋ ಎಂಬುದು ಸ್ಪಷ್ಟವಾಗಿದೆ.
ಕಳೆದ ವರ್ಷ ಜೂನ್ನಲ್ಲಿ ಚೀನಾದಲ್ಲಿ ಆಗಿದ್ದ ಮಳೆಯಿಂದಾಗಿ ಈ ರೀತಿಯ
ಅವಾಂತರ ಆಗಿತ್ತು.
ಸೋ, ಇನ್ಮುಂದೆ ಯಾವುದೇ ವಿಡಿಯೋ ಶೇರ್ ಮಾಡೋಕು ಮುನ್ನ ಪರಿಶೀಲಿಸಿ, ಎಚ್ಚರಿಕೆಯಿಂದ ಶೇರ್ ಮಾಡಿ..
ಈ ಸ್ಟೋರಿ ಬಗ್ಗೆ ನಿಮ್ಮ ಅಭಿಪ್ರಾಯ ಹಾಗೂ ಸಲಹೆಯನ್ನ ಕಾಮೆಂಟ್ ಮಾಡಿ.
