ವಿಶ್ವದ ಅತ್ಯಂತ ಚಿಕ್ಕ ಕುದುರೆ, ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು : ಇದರ ವಿಶೇಷತೆಗಳೇನು ಗೊತ್ತಾ..?

ರೈಸಿಂಗ್​ ಕನ್ನಡ ಸ್ಪೆಷಲ್​ : ಇದು ವಿಶ್ವದಲ್ಲೇ ಅತ್ಯಂತ ಚಿಕ್ಕ ಕುದುರೆ. ಇಷ್ಟರ ಮಟ್ಟಿಗೆ ಅಂದ್ರೆ, ನಾಯಿಗಿಂತಲೂ ಚಿಕ್ಕದಾಗಿರೋ ಕುದುರೆ ಇದು. ಆದ್ರೆ, ಮೂರ್ತಿ ಚಿಕ್ಕದಾದರೂ ಇದರ ಕೀರ್ತಿ ಮಾತ್ರ ದೊಡ್ಡದಾಗಿಯೇ ಇದೆ. ಈ ಕುದುರೆ ಹೆಸರು ಬಾಂಬೆಲ್​.  ಪೋಲ್ಯಾಂಡ್​ನಲ್ಲಿರೋ ಈ ಕುದುರೆ, ಅತ್ಯಂತ ಚಿಕ್ಕ ಕುದುರೆ ಎಂಬ ಕೀರ್ತಿಗೆ ಪಾತ್ರವಾಗಿದ್ದು, ಗಿನ್ನಿಸ್​ ವರ್ಲ್ಡ್​​ ರೆಕಾರ್ಡ್​​ಗೆ ಸೇರ್ಪಡೆಯಾಗಿದೆ.

ಬಾಂಬೆಲ್​​, ತನ್ನ ಗೊರಸಿನಿಂದ ಭುಜದವರೆಗೆ ಕೇವಲ 56.7 ಸೆಂಟಿ ಮೀಟರ್​​ನಷ್ಟೇ ಉದ್ದವಿದೆ. ಅಂದ್ರೆ, ಸುಮಾರು 1 ಅಡಿ. ಸದ್ಯ ಬಾಂಬೆಲ್​ ದೊಡ್ಡ ದೊಡ್ಡ ಕುದುರೆಗಳ ಜೊತೆ ಫಾರ್ಮ್​​ವೊಂದರಲ್ಲಿದೆ. ಪೆಟ್ರಿಕ್​ ಇದರ ಮಾಲೀಕರು. 2014ರಲ್ಲಿ ಎರಡು ತಿಂಗಳ ಮರಿಯಾಗಿದ್ದಾಗ ಹೇಗಿತ್ತೋ, ಈಗಲೂ ಅದೇ ರೀತಿ ಇದೆ ಅಂತಾರೆ ಪೆಟ್ರಿಕ್​. ನಾವು ಏನೆಲ್ಲಾ ಪ್ರಯತ್ನ ಮಾಡಬೇಕೋ, ಎಲ್ಲವನ್ನೂ ಮಾಡಿದ್ವಿ. ಬಹುಶಃ ಬೆಳೆಯುತ್ತೆ ಅನ್ನೋ ನಿರೀಕ್ಷೆ ಇತ್ತು. ಆದ್ರೆ, ಅದು ಬೆಳೆಯಲೇ ಇಲ್ಲ. ಹೀಗಾಗಿ, ಗಿನ್ನಿಸ್​ ವರ್ಲ್ಡ್​ ರೆಕಾರ್ಡ್​​ ಬುಕ್​​ಗೆ ಸೇರಿಸಿದ್ವಿ ಎಂದು ವಿವರಿಸ್ತಾರೆ ಪೆಟ್ರಿಕ್.

ಬಾಂಬೆಲ್​, ಅತ್ಯಂತ ಚಿಕ್ಕ ಕುದುರೆ ಅಂತ ಬಿರುದು ಪಡೆದ್ಮೇಲೆ, ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡ್ ಆಗಿದೆ. ಹಲವು ಮಂದಿ ವಿವಿಧ ರೀತಿಯಾಗಿ ಕಾಮೆಂಟ್​ ಮಾಡಿದ್ದು, ಈ ಜಗತ್ತಿನಲ್ಲಿ ಏನೆಲ್ಲಾ ಇದೆ ಎಂದಿದ್ದಾರೆ.

ಈ ಸ್ಟೋರಿ ಬಗ್ಗೆ ನಿಮ್ಮ ಅಭಿಪ್ರಾಯ ಮತ್ತು ಸಲಹೆಯನ್ನ ಕಾಮೆಂಟ್​ ಮಾಡಿ.