ಕನಕಪುರ/ಬೆಂಗಳೂರು : ಮಾಜಿ ಸಚಿವ, ಕಾಂಗ್ರೆಸ್ ಮುಖಂಡ ಡಿಕೆ ಶಿವಕುಮಾರ್
ಬಂಧನ ವಿಚಾರ ಜಾತಿ ತಿರುವು ಪಡೆದಿದೆ. ಡಿಕೆ ಶಿವಕುಮಾರ್ ಬಂಧನದಿಂದ ರಾಜ್ಯದಲ್ಲಿ ಹೊಸ ಅಧ್ಯಾಯಕ್ಕೆ
ಕಾರಣವಾಗಿದೆ. ಎಲ್ಲಾ ಸಮಾಜದವರನ್ನ ಗೌರವದಿಂದ ಕಾಣಬೇಕು. ಡಿಕೆ ಶಿವಕುಮಾರ್ ಬಂಧನ ವಿಚಾರ ನಿಜಕ್ಕೂ
ಖಂಡನೀಯ ಎಂದು ಮಾಜಿ ಸಿಎಂ ಹೆಚ್ಡಿ ಕುಮಾರಸ್ವಾಮಿ ಹೇಳಿದ್ದಾರೆ. ಈ ಮೂಲಕ ಜಾತಿ ವಿಚಾರವಾಗಿಯೇ ಡಿಕೆಶಿ
ಅರೆಸ್ಟ್ ಆದ್ರಾ ಅನ್ನೋ ಅನುಮಾನಕ್ಕೆ ಎಡೆಮಾಡಿದೆ.
ಕನಕಪುರದ ಡಿಕೆ ಶಿವಕುಮಾರ್ ಅವರ ಮನೆಗೆ ಭೇಟಿ ನೀಡಿದ ಹೆಚ್.ಡಿ. ಕುಮಾರಸ್ವಾಮಿ,
ಡಿಕೆಶಿ ತಾಯಿಗೆ ಧೈರ್ಯ ತುಂಬಿದರು. ಈ ವೇಳೆ ಮಾತ್ನಾಡಿದ ಹೆಚ್ಡಿಕೆ, ಇಡಿ, ಐಟಿ ಅಧಿಕಾರಿಗಳನ್ನ
ಬಿಜೆಪಿ ದುರುಪಯೋಗ ಪಡಿಸಿಕೊಳ್ತಿದೆ. ಗುಜರಾತ್ ಶಾಸಕರನ್ನ ರಕ್ಷಣೆ ಮಾಡಿದ ಸಮಯದಿಂದ, ಹೀಗೆ ನಿರಂತರ
ದಾಳಿ ನಡೆಯುತ್ತಲೇ ಇತ್ತು. ಡಿಕೆಶಿ ಯಾವುದೇ ಸಾಕ್ಷ್ಯ ನಾಶ ಮಾಡಿಲ್ಲ ಎಂದು ಡಿಕೆಶಿ ಪರ ಹೆಚ್ಡಿಕೆ
ಬ್ಯಾಟಿಂಗ್ ಮಾಡಿದ್ರು.
ನಮ್ಮ ಸಮುದಾಯದವರು ವಿಜಯದಶಮಿ ಸಮಯದಲ್ಲಿ ಪಿತೃಪಕ್ಷ ಪೂಜೆ ಮಾಡುತ್ತೇವೆ.
ಆದ್ರೆ, ಅದಕ್ಕೆಲ್ಲ ಅವಕಾಶ ನೀಡದೇ ಇರೋದು ಖಂಡನೀಯ. ಎಲ್ಲರೂ ಎಲ್ಲಾ ಸಮಾಜವನ್ನ ಗೌರವಿಸಬೇಕು ಎಂದು
ಹೇಳುವ ಮೂಲಕ, ಜಾತಿ ಲೆಕ್ಕಾಚಾರದಿಂದಲೇ ಡಿಕೆಶಿ ಅರೆಸ್ಟ್ ಆಗಿದ್ದಾರೆ ಎಂಬುದನ್ನ ಪರೋಕ್ಷವಾಗಿ ಹೆಚ್ಡಿಕೆ
ಹೇಳಿದ್ರು.
