Featured
130 ಕೋಟಿ ಜನರ ನಿರೀಕ್ಷೆ, ನಾನೂ ಭಾಗಿ, ನಿಮ್ಮ ಫೋಟೋ ರೀ ಟ್ವೀಟ್‌ ಮಾಡ್ತೀನಿ : ಪ್ರಧಾನಿ
ಬೆಂಗಳೂರು/ ನವದೆಹಲಿ
ಇಂದು ಮಧ್ಯರಾತ್ರಿಯಿಂದ ನಾಳೆ ಮುಂಜಾನೆವರೆಗೆ ಇಡೀ ದೇಶದ ಜನರಿಗೆ ಹಬ್ಬ, ಕಾರಣ ಚಂದ್ರಯಾನ 2 ನೌಕೆ ತನ್ನಲ್ಲಿನ ರೋವರ್‌ನ್ನ ಚಂದ್ರನ ಅಂಗಳದಲ್ಲಿ ಲ್ಯಾಂಡ್‌ ಮಾಡಲಿದೆ.
ಇದರೊಂದಿಗೆ ಭಾರತ ಕೂಡ ಅಗ್ರ ರಾಷ್ಟ್ರಗಳ ಸಾಲಿನಲ್ಲಿ ಬಾಹ್ಯಾಕಾಶದಲ್ಲೂ ಪ್ರಭುತ್ವ ಸಾಧಿಸಿದಂತಾಗುತ್ತೆ. ಚಂದ್ರಯಾನದ ಕೊನೆಯ ಹಂತವನ್ನ ( ಲ್ಯಾಂಡಿಂಗ್‌) ಇಸ್ರೋ ವಿಜ್ಞಾನಿಗಳು ಹಾಗೂ ಶಾಲಾ ಮಕ್ಕಳೊಂದಿಗೆ ನೇರಪ್ರಸಾರದಲ್ಲಿ ವೀಕ್ಷಿಸಲು ಬೆಂಗಳೂರಿಗೆ ಆಗಮಿಸುತ್ತಿರುವ ಪ್ರಧಾನಿ ಮೋದಿ ಸರಣಿ ಟ್ವೀಟ್‌ಗಳನ್ನ ಮಾಡಿದ್ದಾರೆ.
130 ಕೋಟಿ ಜನರು ಉತ್ಸಾಹದಿಂದ ಕಾಯುತ್ತಿರುವ ಆ ಕ್ಷಣಕ್ಕೆ ಕೆಲವೇ ಗಂಟೆಗಳು ಬಾಕಿ ಇದೆ, ಭಾರತ ಹಾಗೂ ಹೊರ ಜಗತ್ತು ನಮ್ಮ ವಿಜ್ಞಾನಿಗಳ ಸಾಧನೆಗೆ ಸಾಕ್ಷಿಯಾಗಲಿದೆ ಎಂದು ಮೊದಲ ಟ್ವೀಟ್‌ ಮಾಡಿದ್ದಾರೆ.ʼ
ಹಾಗೇ ಮುಂದುವರಿದು,
ನಾನಂತೂ ಈ ಐತಿಹಾಸಿಕ ಕ್ಷಣ ಕಣ್ತುಂಬಿಕೊಳ್ಳಲು ಕಾತರನಾಗಿದ್ದೇನೆ, ದೇಶದ ಆಯ್ದ ಯುವಕರು ಹಾಗೂ ಭೂತಾನ್‌ ರಾಷ್ಟ್ರದ ಯುವಕರೂ ನನ್ನೊಂದಿಗೆ ಭಾಗಿಯಾಗಲಿದ್ದಾರೆ.
ನನ್ನೊಂದಿಗೆ ಸೇರಿಕೊಳ್ಳುವ ಯುವಕ ಯುವತಿಯರನ್ನ ಇಸ್ರೋ ವಿಶಿಷ್ಟ ಕ್ವಿಜ್‌ ಮೂಲಕ ಆಯ್ಕೆ ಮಾಡಿಕೊಂಡಿದೆ, ಆ ಎಲ್ಲಾ ಪ್ರಶ್ನಾವಳಿಗಳೂ ಕೂಡ ವಿಜ್ಞಾನ ಹಾಗೂ ತಂತ್ರಜ್ಞಾನಕ್ಕೆ ಸಂಬಂಧಿಸಿದವುಗಳೇ ಆಗಿದ್ದವು.
ಜುಲೈ 22ರಲ್ಲಿ ಇದನ್ನ ಹಾರಿಬಿಟ್ಟಾಗಿನಿಂದಲೂ ನಾನು ಪ್ರತಿದಿನ ಈ ಮಿಷನ್‌ ಅವಲೋಕನ ಮಾಡುತ್ತಲೇ ಬರುತ್ತಿದ್ದೇನೆ, ದೇಶದ ವಿಜ್ಞಾನಿಗಳ ಕೌಶಲ್ಯಕ್ಕೆ ಸಾಕ್ಷಿಯಾಗಿರುವ ಈ ಯಾನ ಕೋಟ್ಯಂತರ ಭಾರತೀಯರಿಗೆ ಪ್ರಯೋಜನವಾಗಲಿದೆ.
ನಾನು ನಿಮ್ಮಲ್ಲಿ ಕೇಳಿಕೊಳ್ಳುವುದಿಷ್ಟೇ, ನೀವೆಲ್ಲರೂ ಈ ಚಂದ್ರಯಾನ ೨ ಚಂದ್ರನ ದಕ್ಷಿಣ ದೃವದಲ್ಲಿ ಸ್ಪರ್ಶಿಸುವುದನ್ನ ನೋಡಿ ಕಣ್ತುಂಬಿಕೊಳ್ಳಿ, ಹಾಗೂ ಫೋಟೋಗಳನ್ನ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿ, ಆಯ್ದ ಕೆಲವನ್ನ ನಾನು ರೀ ಟ್ವೀಟ್‌ ಮಾಡುತ್ತೇನೆ
ಹೀಗೆ ಸರಣಿ ಟ್ವೀಟ್‌ಗಳ ಮೂಲಕ ಪ್ರಧಾನಿ ಮೋದಿ ದೇಶಾದ್ಯಂತ ಚಂದ್ರಯಾನ ೨ ರ ಅಂಗಳ ಸ್ಪರ್ಶ ಸನ್ನಿವೇಶಕ್ಕೆ ಕಾತರ ಹಾಗೂ ಕುತೂಹಲ ಹುಟ್ಟಿಸಿದ್ದಾರೆ. ಇಂದು ರಾತ್ರಿ ಬೆಂಗಳೂರಿಗೆ ಆಗಮಿಸಿ ಇಸ್ರೋ ಗೆಸ್ಟ್‌ ಹೌಸ್‌ನಲ್ಲಿ ವಿಶ್ರಾಂತಿ ಪಡೆದು ನಂತರ ಇಸ್ರೋ ವ್ಯವಸ್ಥೆಗೊಳಿಸಿರುವ ಸ್ಥಳಕ್ಕೆ ಹೋಗುತ್ತಾರೆ. ನಾಳೆ ಬೆಳಗ್ಗೆ ೧ರಿಂದ ರೋವರ್‌ ಲ್ಯಾಂಡಿಂಗ್‌ ಸಮಯ ನಿಗದಿ ಮಾಡಲಾಗಿದೆ.
