ತಿಹಾರ್ ಜೈಲಿಗೆ ಹೋಗ್ತಿದ್ರೂ ಆರ್ಥಿಕ ವ್ಯವಸ್ಥೆ ಸರಿ ಮಾಡಿ ಅಂದ್ರು ಚಿದಂಬರಂ..!

ನವದೆಹಲಿ : ಕೇಂದ್ರದ ಮಾಜಿ ಹಣಕಾಸು ಸಚಿವ ಪಿ.ಚಿದಂಬರಂ ಈಗ ತಿಹಾರ್ ಜೈಲು ಪಾಲಾಗಿದ್ದಾರೆ. ಆದ್ರೆ, ವಿಚಿತ್ರ ಅಂದ್ರೆ, ಇವತ್ತು ಸಂಜೆ ತಿಹಾರ್ ಜೈಲಿಗೆ ಹೋಗ ಸಂದರ್ಭದಲ್ಲಿ ಮಾತ್ನಾಡಿರೋ ಚಿದಂಬರಂ, ನನಗೆ ದೇಶದ ಆರ್ಥಿಕ ವ್ಯವಸ್ಥೆಯದ್ದೇ ಚಿಂತೆ. ಅದು ಬಿಟ್ರೆ ಬೇರೇನು ನನಗೆ ಚಿಂತೆ ಇಲ್ಲ ಎನ್ನುವ ಮಾಲಕ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರಕ್ಕೆ ಚಾಟಿ ಬೀಸಿದ್ದಾರೆ.

INX ಮೀಡಿಯಾ ಹಗರಣದಲ್ಲಿ ಚಿದಂಬರಂಗೆ ಸೆಪ್ಟೆಂಬರ್ 19ರವರೆಗೆ ನ್ಯಾಯಾಂಕ ಬಂಧನ ವಿಧಿಸಿ,  ಇವತ್ತು ವಿಶೇಷ ಕೋರ್ಟ್​ ನ್ಯಾಯಾಧೀಶರಾದ ಅಜಯ್ ಕುಮಾರ್​ ಕಹಾರ್​ ಆದೇಶ ನೀಡಿದ್ರು. ಆದೇಶದ ಬಳಿಕ ಚಿದಂಬರಂ ಅವರನ್ನ ತಿಹಾರ್ ಜೈಲಿಗೆ ರವಾನೆ ಮಾಡಲಾಯ್ತು. ಈ ವೇಳೆ, ಕೆಲವೇ ಸೆಕೆಂಡುಗಳ ಕಾಲ ಮಾಧ್ಯಮ ಪ್ರತಿನಿಧಿಗಳ ಜೊತೆ ಮಾತ್ನಾಡಿದ ಚಿದಂಬರಂ, ನನಗೆ ದೇಶದ ಆರ್ಥಿಕತೆಯದ್ದೇ ದೊಡ್ಡ ಚಿಂತೆ ಎಂದು ಹೇಳಿದ್ರು.

ಮಂಗಳವಾರಕ್ಕೆ ಚಿದಂಬರಂ ಅವರ ಸಿಬಿಐ ಕಸ್ಟಡಿ ಎಂಡ್ ಆಗಿತ್ತು. ಈ ಬಗ್ಗೆ ವರದಿಗಾರು ಚಿದಂಬರಂ ಅವರನ್ನ ಏನಾದ್ರೂ ಹೇಳ್ತಿರಾ ಎಂದಾಗ, ನನಗೆ ಶೇಕಡಾ 5ರದ್ದೇ ಚಿಂತೆ ಎಂದಿದ್ರು. ನಿಮಗೆ ಗೊತ್ತಾ..? ಶೇಕಡಾ 5 ಅಂದ್ರೆ ಏನು..? ಅದೇ ಜಿಡಿಪಿ ಎಂದು ಉತ್ತರ ನೀಡಿದ್ರು.