ಸೆ.13ರವರೆಗೆ ಡಿಕೆಶಿ ಇಡಿ ವಶಕ್ಕೆ: ಎಲ್ಲರದ್ದೂ ಒಂದೇ ʻರಾಗಾʼ ರಾಜಕೀಯ ವೈಷಮ್ಯ

ನವದೆಹಲಿ: ಕಾಂಗ್ರೆಸ್ ಪ್ರಭಾವಿ ನಾಯಕ ಡಿಕೆ ಶಿವಕುಮಾರ್‌ರನ್ನ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಇಂದು ರೌಸ್‌ ಅವೆನ್ಯೂ ಕೋರ್ಟ್‌ಗೆ ಹಾಜರುಪಡಿಸಿದರು. ಡಿಕೆಶಿ ಪರ ವಾದ ಮಾಡಿ ಶತಾಯಗತಾಯ ಹೊರಗೆ ಕರೆತರಲು ಶ್ರಮಿಸಿದ ವಕೀಲ ಅಭಿಷೇಕ್‌ ಮನು ಸಿಂಘ್ವಿ ಪ್ರಯತ್ನ ವಿಫಲವಾಯ್ತು. ಅಂತಿಮವಾಗಿ ಕೋರ್ಟ್‌ ಒಂಬತ್ತು ದಿನಗಳ ಕಾಲ ಸೆ.೧೩ರವರೆಗೆ ಡಿಕೆ ಶಿವಕುಮಾರ್‌ ರನ್ನ ವಶಕ್ಕೆ ನೀಡಿತು.

ಕೋರ್ಟ್‌ ಆದೇಶದ ನಂತರ ಡಿಕೆ ಶಿವಕುಮಾರ್‌ ಟ್ವೀಟ್‌ ನಲ್ಲಿ ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಲಾಗಿದೆ, ʻ ಕೊನೆಗೂ ನನ್ನನ್ನ ಬಂಧಿಸಲು ಸಫಲವಾದ ನನ್ನ ಬಿಜೆಪಿ ಸ್ನೇಹಿತರಿಗೆ ನಾನು ಅಭಿನಂದಿಸುತ್ತೇನೆ, ಐಟಿ-ಇಡಿ ಪ್ರಕರಣಗಳು ರಾಜಕೀಯ ಪ್ರೇರಿತ, ನಾನು ಬಿಜೆಪಿ ದ್ವೇಷ ರಾಜಕಾರಣಕ್ಕೆ ಬಲಿಯಾಗಿದ್ದೇನೆ ಎಂದು ಹೇಳಿದ್ದಾರೆ.

ರಾಹುಲ್‌ ಗಾಂಧಿ ಟ್ವೀಟ್‌ ಕೂಡ ದ್ವೇಷ ರಾಜಕಾರಣವನ್ನಕುರಿತಾಗಿದೆ, ʻ ಡಿಕೆ ಶಿವಕುಮಾರ್‌ ಅರೆಸ್ಟ್‌ ಬಿಜೆಪಿ ಸರ್ಕಾರದ ದ್ವೇಷ ರಾಜಕಾರಣದ ಇನ್ನೊಂದು ಉದಾಹರಣೆʼ ಎಂದು ಹೇಳಿದ್ದಾರೆ. ಇನ್ನು ಕಾಂಗ್ರೆಸ್‌ ಮುಖಂಡ ಮಲ್ಲಿಕಾರ್ಜುನ ಖರ್ಗೆ ಕೂಡ ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದ್ದು, ಡಿಕೆ ಶಿವಕುಮಾರ್‌ ತನಿಖೆಗೆ ಸಹಕರಿಸುತ್ತಿದ್ರು, ಅವರೇನೂ ಓಡಿ ಹೋಗ್ತಿರಲಿಲ್ಲ, ಶಿವಕುಮಾರ್‌ಗೆ ಮಾನಸಿಕ ಕಿರುಕುಳ ನೀಡುವುದು ಹಾಗೂ ಪಕ್ಷದ ಕಾರ್ಯಕರ್ತರ ಸ್ಥೈರ್ಯ ಕುಗ್ಗಿಸುವ ಉದ್ದೇಶದಿಂದ ಬಂಧನವಾಗಿದೆ ಎಂದಿದ್ದಾರೆ.