ಬೆಳಗಾವಿ: ಬಿಜೆಪಿ ಡಿಕೆ ಶಿವಕುಮಾರ್‌ ವಿರುದ್ಧ ಸೇಡಿನ ರಾಜಕಾರಣ ಮಾಡ್ತಿಲ್ಲ, ಕಾನೂನು ಕ್ರಮ ಜರುಗಿಸಿದಾಗ ಎಲ್ಲರೂ ಹೀಗೇ ಮಾತಾಡೋದು ಎಂದು ಸಚಿವ ಮಾಧುಸ್ವಾಮಿ ಹೇಳಿದ್ದಾರೆ, ಬೆಳಗಾವಿಯಲ್ಲಿ ಮಾತನಾಡಿ, ಡಿಕೆಶಿ ಹಾಗೂ ನಾನು ಒಳ್ಳೆಯ ಸ್ನೇಹಿತರು, ಡಿಕೆಶಿ ತಪ್ಪು ಮಾಡಿದ್ದಾರೋ ಇಲ್ವೋ ಗೊತ್ತಿಲ್ಲ, ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಇವರು ತನಿಖೆಗೆ ಸಹಕರಿಸುತ್ತಿಲ್ಲ ಎಂದು ಹೇಳುತ್ತಿದ್ದಾರೆ. ಹಾಗಾದರೆ ಡಿಕೆಶಿ ಸಹಕರಿಸಬೇಕಿತ್ತು. ನಿನ್ನೆ ಬಂಧನವಾದಾಗ ಇಡಿ ಕಚೇರಿ ಎದುರು ಸಾಕಷ್ಟು ಜನರನ್ನ ಸೇರಿಸಲಾಗಿತ್ತು. ಇದರ ಅವಶ್ಯಕತೆ ಇರಲಿಲ್ಲ, ಸಚಿವ ಗೋವಿಂದ ಕಾರಜೋಳ ಉಪ್ಪು ತಿಂದವರು ನೀರು ಕುಡಿಯಬೇಕು ಎಂದು ಈ ಅರ್ಥದಲ್ಲಿ ಹೇಳಿಲ್ಲ, ತಪ್ಪಿತಸ್ಥರನ್ನ ಕಾನುನು ಶಿಕ್ಷಿಸುತ್ತೆ ಅಂತ ಹೇಳಿದ್ದು ಎಂದರು.
ಡಿಕೆ ಶಿವಕುಮಾರ್‌ ಬಂಧನದ ವಿರುದ್ಧ ಸಾಕಷ್ಟು ಪ್ರತಿಭಟನೆ, ಬಸ್‌ ಗಳಿಗೆ ಕಲ್ಲುತೂರಾಟ ನಡೆಯುತ್ತಿದೆ, ಇವನ್ನೆಲ್ಲಾ ಸಹಿಸಿಕೊಳ್ಳಲಾಗದು, ಕಾನೂನು ಸುವ್ಯವಸ್ಥೆಗೆ ಧಕ್ಕೆಯಾದಲ್ಲಿ ಕ್ರಮ ಜರುಗಿಸುತ್ತೇವೆ ಎಂದರು.
