ಡಿಕೆಶಿ ಬಂಧನಕ್ಕೆ ಬೆಂಬಲಿಗರ ಆಕ್ರೋಶ : ಟೈರಿಗೆ ಬೆಂಕಿ, ಕನಕಪುರದಲ್ಲಿ ಬಿಜೆಪಿ ಕಚೇರಿ ಧ್ವಂಸ..!

ಬೆಂಗಳೂರು/ಕನಕಪುರ : ದೆಹಲಿಯಲ್ಲಿ ಡಿಕೆ ಶಿವಕುಮಾರ್ ಬಂಧನ ಆಗ್ತಿದ್ದಂತೆ ಇತ್ತ ಕರ್ನಾಟಕದ ಹಲವೆಡೆ ಡಿಕೆಶಿ ಬೆಂಬಲಿಗರು ಆಕ್ರೋಶ ಹೊರ ಹಾಕಿದ್ದಾರೆ. ಅದರಲ್ಲೂ ಡಿಕೆಶಿ ತವರೂರು ಕನಕಪುರದಲ್ಲಿ ಆಕ್ರೋಶದ ಕಟ್ಟೆ ಒಡೆದಿದೆ. ಡಿಕೆಶಿ ಬೆಂಬಲಿಗರು ಕನಕಪುರದ ಸಿಬಿ ಸರ್ಕಲ್​ನಲ್ಲಿ ಟೈರ್​ಗಳಿಗೆ ಬೆಂಕಿ ಹಚ್ಚಿ ಪ್ರತಿಭಟನೆ ನಡೆಸಿದ್ರು.

ಇದೇ ವೇಳೆ, ಕನಕಪುರ ಬಂದ್​ಗೆ ಡಿಕೆಶಿ ಬೆಂಬಲಿಗರು ಕರೆ ನೀಡಿದ್ರು. ಟೈರ್​ಗಳಿಗೆ ಬೆಂಕಿ ಹಚ್ಚುತ್ತಿದ್ದಂತೆ ಸ್ವಯಂ ಪ್ರೇರಿತರಾಗಿ ಅಂಗಡಿ ಮುಂಗಟ್ಟುಗಳನ್ನ ಮುಚ್ಚಲಾಯ್ತು. ಸದ್ಯ ಕನಕಪುರದಲ್ಲಿ ಅಘೋಷಿತ ಬಂದ್ ವಾತಾವರಣ ನಿರ್ಮಾಣವಾಗಿದೆ.

ಬಿಜೆಪಿ ಕಚೇರಿ ಧ್ವಂಸ..!

ಇತ್ತ, ದೆಹಲಿಯಲ್ಲಿ ಡಿಕೆಶಿ ಬಂಧನ ಆಗ್ತಿದ್ದಂತೆ ಕನಕಪುರ ಅಕ್ಷರಶಃ ರಣರಂಗವಾಗಿದೆ. ಟೈರ್​​ಗೆ ಬೆಂಕಿ ಹಚ್ಚಿರೋದು ಒಂದು ಕಡೆಯಾದ್ರೆ, ಮತ್ತೊಂದೆಡೆ ಕನಕಪುರದಲ್ಲಿದ್ದ ಬಿಜೆಪಿ ಕಚೇರಿಯನ್ನ ಡಿಕೆಶಿ ಬೆಂಬಲಿಗರು ಧ್ವಂಸಗೊಳಿಸಿದ್ದಾರೆ.