ಡಿಕೆಶಿ ಬಂಧನಕ್ಕೆ ಸಿದ್ದು, ಪರಮ್​ ಆಕ್ರೋಶ : ಡಿಕೆಶಿ ಬೆಂಬಲಕ್ಕೆ ನಿಂತ ಕಾಂಗ್ರೆಸ್​

ಬೆಂಗಳೂರು/ನವದೆಹಲಿ : ಮಾಜಿ ಸಚಿವ, ಕಾಂಗ್ರೆಸ್ ನಾಯಕ ಡಿಕೆ ಶಿವಕುಮಾರ್ ಬಂಧನಕ್ಕೆ ಕಾಂಗ್ರೆಸ್​ ನಾಯಕರು ಆಕ್ರೋಶ ಹೊರ ಹಾಕಿದ್ದಾರೆ. ಕೇಂದ್ರ ಸರ್ಕಾಋ ಮತ್ತು ಬಿಜೆಪಿ ವಿರುದ್ಧ ಮಾಜಿ ಸಿಎಂ ಸಿದ್ದರಾಮಯ್ಯ ತೀವ್ರ ಆಕ್ರೋಶ ಹೊರ ಹಾಕಿದ್ಉದ, ಪ್ರತಿ ಕ್ಷಣ ಪ್ರತಿದಿನ, ವಿಪಕ್ಷ ನಾಯಕರೇ ಬಿಜೆಪಿ ಟಾರ್ಗೆಟ್​​. ಕೇಂದ್ರೀಯ ಸಂಸ್ಥೆಗಳ ಮೂಲಕ ವಿಪಕ್ಷಗಳ ನಾಯಕರನ್ನ ಬಿಜೆಪಿ ಟಾರ್ಗೆಟ್​ ಮಾಡಿದೆ ಎಂದು ಸಿದ್ದರಾಮಯ್ಯ ಟ್ವಿಟ್ಟರ್​ನಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬಿಜೆಪಿ ತನ್ನ ವೈಫಲ್ಯಗಳನ್ನ ಮರೆ ಮಾಚಲು, ದ್ವೇಷದ ರಾಜಕಾರಣ ಮಾಡುತ್ತಿದೆ. ಡಿಕೆ ಶಿವಕುಮಾರ್ ಶೀಘ್ರವೇ ಹೊರ ಬರಲಿದ್ದಾರೆ. ಯಾವುದೇ ಆರೋಪಗಳಿಲ್ಲದೆ ಡಿಕೆಶಿ ಹೊರಬರಲಿದ್ದು, ನಾವು ಯಾವಾಗಲು ಡಿಕೆಶಿ ಜೊತೆ ಇರುತ್ತೇವೆ ಎಂದು ಸಿದ್ದು ತಿಳಿಸಿದ್ದಾರೆ.

ಇತ್ತ ಮಾಜಿ ಡಿಸಿಎಂ, ಕಾಂಗ್ರೆಸ್ ಮುಖಂಡರಾದ ಪರಮೇಶ್ವರ್ ಕೂಡ ಡಿಕೆ ಶಿವಕುಮಾರ್ ಬೆಂಬಲಕ್ಕೆ ನಿಂತಿದ್ದು, ಬಿಜೆಪಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಡಿಕೆಶಿ ಬಂಧನ ಸಂಪೂರ್ಣ ರಾಜಕೀಯ ಪ್ರೇರಿತ. ರಾಜಕೀಯ ದಾಳಕ್ಕಾಗಿ ಡಿಕೆಶಿಯನ್ನ ಬಲಿ ಮಾಡಲಾಗಿದೆ. ನಮಗೆ ನ್ಯಾಯಾಂಗದ ಮೇಲೆ ವಿಶ್ವಾಸವಿದ್ದು, ಇದರಲ್ಲಿ ಡಿಕೆಶಿಗೆ ನ್ಯಾಯ ಸಿಗಲಿದೆ ಎಂದು ಪರಮೇಶ್ವರ್ ಟ್ವೀಟ್ ಮಾಡಿದ್ದಾರೆ .

ಮತ್ತೊಂದೆಡೆ ಕಾಂಗ್ರೆಸ್​ ಉಸ್ತುವಾರಿ ವೇಣುಗೋಪಾಲ್ ಕೂಡ, ಡಿಕೆಶಿ ಬೆಂಬಲಕ್ಕೆ ನಿಂತಿದ್ದಾರೆ. ಕಾಂಗ್ರೆಸ್​ನ ಚಿದಂಬರಂ ಬಳಿಕ ಈಗ ಡಿಕೆಶಿ ಅವರನ್ನ ಬಂಧಿಸಿರೋದು ದುರುದ್ದೇಶ ಪೂರಿತವಾಗಿದೆ ಅನ್ನೋದನ್ನ ಬಿಜೆಪಿ ಜಗಜ್ಜಾಹೀರು ಮಾಡಿದೆ ಎಂದು ವೇಣುಗೋಪಾಲ್​ ಆಕ್ರೋಶ ಹೊರಹಾಕಿದ್ದಾರೆ.