ಕ್ರೀಡೆ
ಆರ್ ಸಿಬಿ UNBOX…ಹೊಸ ಜೆರ್ಸಿ…ಹೊಸ ಹುಮ್ಮಸ್ಸು..ಹೊಸ ಅಧ್ಯಾಯ..!
Cricket : ಬ್ಲಾಕ್, ರೆಡ್ ಆ್ಯಂಡ್ ಗೋಲ್ಡನ್ ಮಿಶ್ರಿತ ಜೆರ್ಸಿ ಈಗ ಫುಲ್ ಚೇಂಜ್ ಆಗಿದೆ. ಹೊಸ ಆವೃತ್ತಿಗೆ ಹೊಸ ಹುಮ್ಮಸ್ಸಿನೊಂದಿಗೆ ಕಣಕ್ಕಿಳಿಯಲು ನಮ್ಮ ಬೆಂಗಳೂರು ಬಾಯ್ಸ್ ಮುಂದಾಗಿದ್ದಾರೆ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಆರ್ ಸಿಬಿ ಅನ್ ಬಾಕ್ಸ್ ಕಾರ್ಯಕ್ರಮದಲ್ಲಿ ಕಿಕ್ಕಿರಿದ್ದು ಸೇರಿದ್ದ ಆರ್ ಸಿಬಿ ಫ್ಯಾನ್ಸ್, ಕುಣಿದು ಕುಪ್ಪಳಿಸಿದ್ರು.
ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟಿ20 ಕ್ರಿಕೆಟ್ ಟೂರ್ನಿ ಮಾರ್ಚ್‌ 22ರಂದು ಆರಂಭವಾಗಲಿದೆ. ಉದ್ಘಾಟನಾ ಪಂದ್ಯದಲ್ಲೇ ಕಣಕ್ಕಿಳಿಯುತ್ತಿರುವ ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು ಚೆನ್ನೈ ಸೂಪರ್‌ ಕಿಂಗ್ಸ್‌ ಎದುರು ಚೆಪಾಕ್‌ ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ಪೈಪೋಟಿ ನಡೆಸಲಿದೆ.
ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಅಖಾಡದಲ್ಲಿ ಚೊಚ್ಚಲ ಟ್ರೋಫಿ ಗೆಲುವಿನ ಕಡೆಗೆ ಕಣ್ಣಿಟ್ಟಿರುವ ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು ತಂಡ ಹೊಸ ಜೆರ್ಸಿಯೊಂದಿಗೆ ಕಣಕ್ಕಿಳಿಯಲು ಸಜ್ಜಾಗಿದೆ. ಅಂದಹಾಗೆ ಆರ್ಸಿಬಿ ತಂಡದ ಸಮವಸ್ತ್ರದಲ್ಲಿ ಈ ಹಿಂದೆಯೂ ನೀಲಿ ಬಣ್ಣದ ಬಳಕೆ ಮಾಡಲಾಗಿತ್ತು. ಇದೀಗ ರೆಡ್, ಗೋಲ್ಡನ್ ಮತ್ತು ಬ್ಲ್ಯೂ ಬಣ್ಣ ಆಯ್ಕೆ ಮಾಡಿ ಅದೃಷ್ಟ ಪರೀಕ್ಷೆಗೆ ಮುಂದಾಗಿದೆ. ಹೆಸರು ಮತ್ತು ಸಮವಸ್ತ್ರದ ಬಣ್ಣದಲ್ಲಿ ಕೆಲ ಬದಲಾವಣೆ ತಂದುಕೊಂಡಿರುವ ಆರ್ಸಿಬಿ ಈಗಲಾದರೂ ಅದೃಷ್ಟ ಕೈಹಿಡಿಯುತ್ತ ಅಂತ ಕಾಣದಷ್ಟೆ ನೋಡಬೇಕು.
ಕಾರ್ಯಕ್ರಮದಲ್ಲಿ ಮಾತನಾಡಿದ ತಂಡದ ನಾಯಕ ಫಾಫ್‌ ಡು ಪ್ಲೆಸಿಸ್‌, ಇನ್ಮುಂದೆ ಫ್ರಾಂಚೈಸಿಯ ಹೆಸರು ರಾಯಲ್ ಚಾಲೆಂಜರ್ಸ್‌ ಬ್ಯಾಂಗಲೋರ್‌ ಅಲ್ಲ ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು ಎಂದು ಅಧಿಕೃತವಾಗಿ ಘೋಷಣೆ ಮಾಡಿದರು. ಮಾಜಿ ನಾಯಕ ವಿರಾಟ್ ಕೊಹ್ಲಿ ಮಾತನಾಡಿ, ‘ಇದು ಆರ್‌ಸಿಬಿಯ ಹೊಸ ಅಧ್ಯಾಯ’ ಎಂದು ಘೋಷಣೆ ಕೂಗಿದರು.
