ಕಬ್ಬಿಣದ ನಟ್‌ಗಳಿಂದ ಒಂದೂವರೆ ಲಕ್ಷ ರೂಪಾಯಿಯಲ್ಲಿ ರಚನೆಯಾದ ಅಪ್ಪು ಪ್ರತಿಮೆ!

ಮೈಸೂರು: ಟಿ. ನರಸೀಪುರದ ಖ್ಯಾತ ಕಲಾವಿದ ಕುಮಾರ್ ಅವರ ಕೈಚಳಕ ದಲ್ಲಿ ಕಬ್ಬಿಣದ ನಟ್‌ಗಳಿಂದ ದಿವಂಗತ ಪುನೀತ್ ರಾಜ್‌ಕುಮಾರ್ (Puneeth Rajkumar) ಅವರ ಪ್ರತಿಮೆಯನ್ನು ತಯಾರಿಸಿದ್ದಾರೆ. ಅತ್ಯಂತ ಆಕರ್ಷಕವಾಗಿ ಮೂಡಿ ಬಂದಿರುವ ಈ ಪ್ರತಿಮೆ ಪುನೀತ್‌ ಅವರನ್ನೇ ನೋಡಿದಂತಹ ಅನುಭವ ನೀಡುತ್ತದೆ.

ಯಾಕಾಗಿ ಮಾಡಿದ್ರು?
ಈ ಪ್ರತಿಮೆಯನ್ನು ನಂಜನಗೂಡಿನ ಕಡಕೋಳದ ಉದ್ಯಮಿಯೋರ್ವರು ನೀಡಿದ್ದ ಆರ್ಡರ್‌ ಅನ್ವಯ ತಯಾರಿಸಲಾಗಿದೆ. ಈ ಪ್ರತಿಮೆಯನ್ನು ಐರನ್ ನಟ್ ಹಾಗೂ ಎಸ್‌ಎಸ್‌ ನಟ್‌ನಿಂದ ತಯಾರಿ ಮಾಡಲಾಗಿದೆ.

ಈ ಪ್ರತಿಮೆಗೆ ಕುಮಾರ್‌ ಅವರು ಒಂದು ತಿಂಗಳ ಕಾಲಾವಕಾಶ ಪಡೆದಿದ್ದರು. 35 ಕೆಜಿ ಮೇಣ ಈ ಪ್ರತಿಮೆಗೆ ನೀಡಲಾಗಿದೆ. 5 ಕೆಜಿ ಎಸ್‌ಎಸ್‌ ನಟ್‌ ಹಾಗೂ 50 ಕೆಜಿ ಐರನ್ ನಟ್ ಬಳಸಿದ್ದಾರೆ. ಈ ಪ್ರತಿಮೆ ಮಾಡಲು ಸುಮಾರು ಒಂದು ಲಕ್ಷ 40 ಸಾವಿರ ಖರ್ಚು ಮಾಡಲಾಗಿದೆ.