ಸಾಹೋ ಸಿನಿಮಾದ ಆ ಹಾಡು ಮತ್ತು ಪೋಸ್ಟರ್​ ಕಾಪಿನಾ..? ಬೆಂಗಳೂರು ಕಲಾವಿದೆಯ ಆರೋಪವೇನು..?

ಬೆಂಗಳೂರು : ಪ್ರಭಾಸ್​ ಮತ್ತು ಶ್ರದ್ಧಾ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಸಾಹೋ ರಿಲೀಸ್​ ಆಗಿದೆ. ಆದ್ರೆ, ಸಾಹೋ ಸಿನಿಮಾ ಮೇಲೆ ಬೆಂಗಳೂರು ಮೂಲಕ ಕಲಾವಿದೆ ಕಾಪಿ ರೈಟ್​​ ಆರೋಪ ಮಾಡಿದ್ದಾರೆ. ಸಾಹೋ ಸಿನಿಮಾದಲ್ಲಿ ಬರುವ Baby Won’t You Tell Me ಹಾಡಿನಲ್ಲಿ ಬಳಸಿರೋ ಪೋಸ್ಟರ್​ ಹಾಗೂ ಸೆಟ್​ ಡಿಸೈನ್​​ ನನ್ನದು ಎಂದು ಕಲಾವಿದೆ ಆರೋಪಿಸಿದ್ದಾರೆ.

ಹೀಗೆ ಗಂಭೀರ ಆರೋಪ ಮಾಡಿರೋ ಕಲಾವಿದೆ ಹೆಸರು ಶಿಲೋ ಶಿವ್​​ ಸುಲೇಮನ್​. ಈಕೆ 2014ರಲ್ಲಿ ನಡೆದಿದ್ದ ಬರ್ತಿಂಗ್ ಮ್ಯಾನ್​ ಫೆಸ್ಟಿವಲ್​​ನಲ್ಲಿ ಇದೇ ರೀತಿಯ ಕಲಾಕೃತಿಯನ್ನ ಪ್ರದರ್ಶನ ಮಾಡಿದ್ರು. ಅದಕ್ಕೆ ಸಂಬಂಧಿಸಿದ, 2014ರಲ್ಲಿ ಪ್ರದರ್ಶನ ಮಾಡಿದ್ದ ಕಲಾಕೃತಿಯನ್ನ ಹಾಗೂ ಸಾಹೋ ಸಿನಿಮಾದಲ್ಲಿ ಹಾಡಿನಲ್ಲಿ ಬರುವ ದೃಶ್ಯದ ಪೋಸ್ಟರ್​ಅನ್ನ ಹೋಲಿಕೆ ಮಾಡುತ್ತಾ ಇನ್ಸ್​​ಟಾ ಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದಾರೆ ಕಲಾವಿದೆ.

ತನ್ನ ಕಲಾಕೃತಿಯನ್ನ ಕಾಪಿ ಮಾಡಲಾಗಿದೆ. ಕನಿಷ್ಟ ಅನುಮತಿಯನ್ನೂ ಪಡೆದಿಲ್ಲ ಎಂದು ಆರೋಪಿಸಿರೋ ಕಲಾವಿದೆ, ಕಲೆಗೆ ಬೆಲೆಯೇ ಇಲ್ವಾ ಎಂದಿದ್ದಾರೆ. ಈ ಕುರಿತು ಇನ್ಸ್​ಟಾ ಗ್ರಾಂನಲ್ಲಿ ಬರಹ ಕೂಡ ಪ್ರಕಟ ಮಾಡಿದ್ದಾರೆ.

ಈಗಾಗಲೇ ಸಾಹೋ ಸಿನಿಮಾ ರಿಲೀಸ್ ಆಗಿದೆ. ನಿರೀಕ್ಷೆ ಮಟ್ಟದಲ್ಲಿ ಸಿನಿಮಾ ಇಲ್ಲ ಅನ್ನೋ ನೆಗೆಟಿವ್ ಟಾಕ್​ ಮಧ್ಯೆ, ಬೆಂಗಳೂರು ಕಲಾವಿದೆಯ ಈ ಆರೋಪ ಸಿನಿಮಾಗೆ ಮತ್ತಷ್ಟು ಡ್ಯಾಮೇಜ್​ ತರುವಂತಿದೆ..