ಸಚಿವ ಸಂಪುಟದಲ್ಲಿ ನನ್ನ ಹಸ್ತಕ್ಷೇಪ ಇಲ್ಲ : ಆದ್ರೆ, ವಲಸಿಗರಿಗೆ ಮಂತ್ರಿ ಸ್ಥಾನ ಸಿಗಬೇಕು : ಬಿಎಸ್​​ ಯಡಿಯೂರಪ್ಪ

ರೈಸಿಂಗ್ ಕನ್ನಡ, ಬೆಂಗಳೂರು :

ಸದ್ಯ ರಾಜ್ಯ ರಾಜಕೀಯದಲ್ಲಿ ಸಂಪುಟ ರಚನೆಯದ್ದೇ ದೊಡ್ಡ ಕಸರತ್ತು. ಯಾರ್​ ಆಗ್ತಾರೆ ಮಂತ್ರಿ.? ಯಾರ್ ಆಗ್ತಾರೆ ಡಿಸಿಎಂ ಅನ್ನೋ ಚರ್ಚೆ ಜೋರಾಗಿಯೇ ನಡೀತಿದೆ. ಈ ನಡುವೆ, ಮಾಜಿ ಸಿಎಂ ಯಡಿಯೂರಪ್ಪ, ಪವರ್ ಸೆಂಟರ್ ಅನ್ನೋ ಆರೋಪವೂ ಕೇಳಿ ಬಂದಿದೆ. ಇದಕ್ಕೆ ಮಾಜಿ ಸಿಎಂ ಬಿಎಸ್​ವೈ ಸ್ಪಷ್ಟನೆ ಕೂಡ ನೀಡಿದ್ದಾರೆ.

ಆರ್​ಎಸ್​​ಎಸ್​ ನಾಯಕರನ್ನ ಭೇಟಿಯಾದ ಬಳಿಕ ಮಾತ್ನಾಡಿದ ಯಡಿಯೂರಪ್ಪ, ಸಚಿವ ಸಂಪುಟದಲ್ಲಿ ನಾನು ಯಾವುದೇ ಆಕ್ಷೇಪ ಮಾಡಲ್ಲ. ಬೊಮ್ಮಾಯಿ ದೆಹಲಿಗೆ ಹೋಗಿ ಬಂದ ಮೇಲೆ ಸಚಿವ ಸಂಪುಟ ರಚನೆ ಮಾಡ್ತಾರೆ. ಸಚಿವ ಸ್ಥಾನದ ಬಗ್ಗೆ ಹೈಕಮಾಂಡ್ ತೀರ್ಮಾನಿಸುತ್ತೆ ಅಂತಾ ಶಾಸಕರಿಗೆ, ಆಕಾಂಕ್ಷಿಗಳಿಗೆ ಹೇಳಿದ್ದೇನೆ ಎಂದು ಬಿಎಸ್​ ಯಡಿಯೂರಪ್ಪ ಹೇಳಿದ್ರು.

ಇದೇ ವೇಳೆ, ವಿಶೇಷವಾಗಿ, ವಲಸಿಗರಿಗೆ ಸಚಿವ ಸ್ಥಾನ ಸ್ಥಾನ ಕೊಡಬೇಕು ಎಂದು ಹೇಳಿದ್ರು. ಈ ಬಗ್ಗೆ ಸಿಎಂ ಬೊಮ್ಮಾಯಿ ಜೊತೆ ಮಾತ್ನಾಡುತ್ತೇನೆ. ಯಾಕಂದ್ರೆ, ವಲಸಿಗರಿಂದಲೇ ಇವತ್ತು ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಆಡಳಿತದಲ್ಲಿದೆ ಅಂದ್ರು.