ಅದ್ದೂರಿಯಾಗಿ ನೆರವೇರಿದ ರಾಬರ್ಟ್​​ ಸಿನಿಮಾ ಪ್ರೀ-ರಿಲೀಸ್​ ಈವೆಂಟ್​ : ಡಚ್ಚು ಖುಷಿಯಾಗಿ ಹೇಳಿದ್ದೇನು.?

ಹುಬ್ಬಳ್ಳಿ :

ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ರಾಬರ್ಟ್​​. ನಿರೀಕ್ಷೆಯಂತೆ ಭಾನುವಾರ ಗಂಡು ಮೆಟ್ಟಿನ ನಾಡು ಹುಬ್ಬಳ್ಳಿಯಲ್ಲಿ ಪ್ರೀ-ರಿಲೀಸ್​ ಈವೆಂಟ್ ಸಕ್ಸಸ್​ ಫುಲ್​ ಆಗಿ ಮುಗಿಸಿದೆ. ಲಕ್ಷಾಂತರ ಅಭಿಮಾನಿಗಳ ಸಮ್ಮುಖದಲ್ಲಿ ದಾಸ ದರ್ಶನ್​​, ಸಖತ್​ ಜೋಶ್​​ನಲ್ಲಿ ಖುಷಿಯಾಗಿ ಫ್ಯಾನ್ಸ್​ ಜೊತೆ ಮಾತ್ನಾಡಿದ್ರು.

ಸುಮಾರು 15 ನಿಮಿಷಗಳ ಕಾಲ ಮಾತ್ನಾಡಿದ ದರ್ಶನ್​​, ಸಿನಿಮಾ ರಂಗ, ಫ್ಯಾನ್ಸ್​, ರಾಬರ್ಟ್​ ಸಿನಿಮಾ ಬಗ್ಗೆ ತಮ್ಮ ಅನುಭವವನ್ನ ಹಂಚಿಕೊಂಡ್ರು. ದೇವರಾಜ್​, ಜಗಪತಿ ಬಾಬು ಸೇರಿದಂತೆ ಹಲವರಿಗೆ ಥ್ಯಾಂಕ್ಸ್ ಹೇಳಿದ ದರ್ಶನ್​, ಸಿನಿಮಾ ರಂಗದಲ್ಲಿ ಜಾತಿ ಅನ್ನೋದು ಇಲ್ಲವೇ ಇಲ್ಲ. ನಾವೆಲ್ಲಾ ಕಲಾವಿದರು ಅಂತ ಜೋರಾಗಿ ಹೇಳುವ ಮೂಲಕ ನಟ ಜಗ್ಗೇಶ್​ಗೆ ಪರೋಕ್ಷವಾಗಿಯೇ ಟಾಂಗ್​ ಕೊಟ್ರು.

ಕಾರ್ಯಕ್ರಮದ ಕೊನೆಯಲ್ಲಿ ಸ್ವತಃ ದರ್ಶನ್​​, ಅಭಿಮಾನಿಗಳ ಜೊತೆ ಸೆಲ್ಫಿ ತೆಗೆದುಕೊಂಡು ಎಲ್ಲರ ಮನಗೆದ್ರು.