ಸೀಸನ್ 13ರ ಐಪಿಎಲ್ ಫೈನಲ್: ಚೊಚ್ಚಲ ಟ್ರೋಫಿ ಮೇಲೆ ಕಣ್ಣಿಟ್ಟ ಡೆಲ್ಲಿ: ಪ್ರಶಸ್ತಿ ಉಳಿಸಿಕೊಳ್ಳಲು ಮುಂಬೈ ಹೋರಾಟ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​: 

ಇವತ್ತು ಐಪಿಎಲ್​ನ ಮೆಗಾ ಫೈನಲ್​ನಲ್ಲಿ  ಚಾಂಪಿಯನ್​ ಪಟ್ಟಕ್ಕಾಗಿ  ಹಾಲಿ ಚಾಂಪಿಯನ್​ ಮುಂಬೈ ಇಂಡಿಯನ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ತಂಡಗಳು ಹೋರಾಡಲಿದೆ.

 ದುಬೈ ಅಂಗಳದಲ್ಲಿ ನಡೆಯಲಿರುವ ಪಂದ್ಯದಲ್ಲಿ  ಶ್ರೇಯಸ್​ ಅಯ್ಯರ್​ ನೇತೃತ್ವದ ಡೆಲ್ಲಿ ಕ್ಯಾಪಿಟಲ್ಸ್ ಚೊಚ್ಚಲ ಪ್ರಯತ್ನದಲ್ಲೆ ಐಪಿಎಲ್​ ಟ್ರೋಫಿಗೆ ಗೆಲ್ಲಲು ಪಣತೊಟ್ಟಿದ್ರೆ ಇತ್ತ ನಾಲ್ಕು ಬಾರಿ ಚಾಂಪಿಯನ್​ ಆಗಿರುವ ರೋಹಿತ್​ ಶರ್ಮಾ ನೇತೃಥ್ವದ ಮುಂಬೈ ಇಂಡಿಯನ್ಸ್​  ಐದನೇ ಬಾರಿಗೆ ಟ್ರೋಫಿ ಎತ್ತಿ ಹಿಡಿಯೋದಕ್ಕೆ ಪ್ಲ್ಯಾನ್​ ಮಾಡಿದೆ.

ಎರಡೂ ತಂಡಗಳ ಮಹಾ ಕದನವನ್ನ ನೋಡಲು ಇಡೀ ಕ್ರಿಕೆಟ್​ ಜಗತ್ತು ಕಾತರದಿಂದ ಕಾಯುತ್ತಿದೆ. ಮೇಲ್ನೋಟಕ್ಕೆ ಡೆಲ್ಲಿ ಎದುರು ಮುಂಬೈ ಬಲಿಷ್ಠವಾಗಿದೆ. ಅಬುಧಾಬಿಯಲ್ಲಿ ನಡೆದಿದ್ದ ಲೀಗ್​ನ ಮೊದಲ ಪಂದ್ಯದಲ್ಲಿ  ಮುಂಬೈ 5 ವಿಕೆಟ್​ಗಳ ಗೆಲುವು ದಾಖಲಿಸಿತ್ತು.ನಂತರ ದುಬೈನಲ್ಲಿ ನಡೆದ ಲೀಗ್​ನ ಎರಡನೆ ಪಂದ್ಯದಲ್ಲಿ  ಮುಂಬೈ 9 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲಿಸಿತ್ತು. 

ಇದಾದ ನಂತರ ಮೊನ್ನೆ ನಡೆದ ಕ್ವಾಲಿಫೈಯರ್​1ರ ಪಂದ್ಯದಲ್ಲಿ ಮುಂಬೈ  ಡೆಲ್ಲಿ ವಿರುದ್ಧ 57 ರನ್​ಗಳ ಗೆಲುವು ಸಾಧಿಸಿತು. ಡೆಲ್ಲಿ ತಂಡ ಮುಂಬೈ ವಿರುದ್ಧ ಆಡಿರುವ ಮೂರು ಪಂದ್ಯಗಳನ್ನ ಕೈಚೆಲ್ಲಿರಬಹುದು ಆದರೆ ಡೆಲ್ಲಿ ಹುಡುಗರನ್ನ ಹಗುರವಾಗಿ ಪರಿಗಣಿಸುವಂತಿಲ್ಲ. ಯಾಕಂದ್ರೆ ಪೆಟ್ಟು ತಿಂದು ಏಟು ಕೊಡೋದು  ಡೆಲ್ಲಿ ತಂಡದ ಜಾಯಮಾನ .ಲೀಗ್​ನಲ್ಲಿ ಸನ್​ರೈಸರ್ಸ್​ ವಿರುದ್ಧ ಆಡಿದ 2 ಪಂದ್ಯಗಳಲ್ಲಿ ಸೋತಿದ್ದ ಡೆಲ್ಲಿ ಕ್ಯಾಪಿಟಲ್ಸ್​ ಮೊನ್ನೆ ಎಲಿಮಿನೇಟರ್​ನಲ್ಲಿ  ಸನ್​ರೈಸರ್ಸ್​ತಂಡಕ್ಕೆ ಶಾಕ್​ ಕೊಟ್ಟಿತ್ತು.

 ಒಟ್ಟಾರೇ ಕ್ರಿಕೆಟ್​ ಜಗತ್ತಿನ ಚಿತ್ತ ದುಬೈ ಅಂಗಳದತ್ತ ನೆಟ್ಟಿದ್ದು  ಯಾರು ಸೀಸನ್​ 13ರ ಚಾಂಪಿಯನ್​ ಆಗ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.