Featured
ಏನೋ ಮಾಡೋದಕ್ಕೆ ಹೋಗಿ ಏನೋ ಆಗೋಯ್ತು ನೋಡಿ ಈ ಪೊಲೀಸಪ್ಪನ ಕಥೆ
ಜೈಪುರ : ಏನೋ ಮಾಡಲು ಹೋಗಿ, ಮತ್ತೇನೋ ಆಗಿರೋ ಕಥೆ ಇದು. ಇದು
ನಡೆದಿರೋದು ರಾಜಸ್ಥಾನದಲ್ಲಿ. ಫೋಟೋದಲ್ಲಿ ನೋಡ್ತಿರೋ
ಪೊಲೀಸಪ್ಪನ ಹೆಸರು ಧನಪತ್. ಉದಯಪುರ ಅರಮನೆ, ಕೋಟೆಗಳಲ್ಲಿ
ಧನಪತ್ ಜೋಡಿಯ ಪ್ರೀ ವೆಡ್ಡಿಂಗ್ ಶೂಟ್ ನಡೆದಿತ್ತು. ಈ ವೇಳೆ, ಧನಪತ್
ಪೊಲೀಸ್ ಡ್ರೆಸ್ ಬಳಸಿರೋದು ವಿವಾದಕ್ಕೆ ಕಾರಣವಾಗಿದೆ.
ಇದಿಷ್ಟೇ ಅಲ್ಲದೆ, ಪ್ರೀ ವೆಡ್ಡಿಂಗ್ ಶೂಟ್ ವೇಳೆ ಹೆಲ್ಮೆಟ್ ಇಲ್ಲದೇ ಬರುವ
ಹುಡುಗಿಯ ಬಳಿ, ಲಂಚ ಸ್ವೀಕರಿಸೋ ದೃಶ್ಯವಿದೆ. ಇದು ಪೊಲೀಸರಿಗೆ ಮಾಡಿದ
ಅಪಮಾನ ಎಂದು ಪೊಲೀಸ್ ಇಲಾಖೆಗೆ ಕಟ್ಟುನಿಟ್ಟಿನ ಕ್ರಮಕ್ಕೆ ಮುಂದಾಗಿದೆ.
ಯೂಟ್ಯೂಬ್ನಲ್ಲಿ ಧನಪತ್ ಜೋಡಿಯ ಪ್ರೀ ವೆಡ್ಡಿಂಗ್ ಹಾಡು ವೈರಲ್
ಆಗ್ತಿದ್ದಂತೆ, ರಾಜಸ್ಥಾನ ಪೊಲೀಸರು ಅಲರ್ಟ್ ಆಗಿದ್ದಾರೆ.
ಲಾ ಅಂಡ್ ಅರ್ಡರ್ನ ಐಜಿ, ಡಾ. ಹವಾ ಸಿಂಗ್ ಗೊಮಾರಿಯಾ ಈ ಕುರಿತು
ಎಲ್ಲಾ ಪೊಲೀಸ್ ಠಾಣೆಗಳಿಗೆ ನೊಟೀಸ್ ನೀಡಿದ್ದಾರೆ. ಯಾವುದೇ ಕಾರಣಕ್ಕೂ
ಪೊಲೀಸ್ ಡ್ರೆಸ್ಗೆ ಅವಮಾನ ಮಾಡಬಾರದು. ಪ್ರೀ ವೆಡ್ಡಿಂಗ್ ಶೂಟ್
ಸೇರಿದಂತೆ ಖಾಸಗಿ ಕೆಲಸಗಳಿಗೆ ಪೊಲೀಸ್ ಡ್ರೆಸ್ ಬಳಸಬಾರದು ಎಂದು
ನೊಟೀಸ್ ಜಾರಿ ಮಾಡಿದ್ದಾರೆ.
ಪೊಲೀಸ್ ಡ್ರೆಸ್ ಸ್ವಾಭಿಮಾನ ಹಾಗೂ ಕರ್ತವ್ಯದ ಸಂಕೇತ. ಇದನ್ನ ದುರ್ಬಳಕೆ
ಮಾಡಿಕೊಳ್ಳಬಾರದು ಎಂದು ಆದೇಶ ಹೊರಡಿಸಲಾಗಿದೆ. ಪಾಪ, ಪೊಲೀಸಪ್ಪ
ಧನಪತ್ ಏನೋ ಮಾಡಲು ಹೋಗಿ, ಏನೇನೋ ಆಗೋಯ್ತು ಅಂತ ತಲೆ
ಕೆಡಿಸಿಕೊಂಡಿದ್ದಾರೆ.
