ಸ್ಟೋಯ್ನಿಸ್ ಆಲ್ರೌಂಡ್ ಆಟಕ್ಕೆ ಮುಳುಗಿದ ಸನ್ ರೈಸರ್ಸ್​: ಫೈನಲ್ ತಲುಪಿ ದಾಖಲೆ ಬರೆದ ಡೆಲ್ಲಿ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ಐಪಿಎಲ್​ನ ಕ್ವಾಲಿಫೈಯರ್​ 2ರ ರೋಚಕ ಪಂದ್ಯದಲ್ಲಿ ಸನ್​ರೈಸರ್ಸ್​ ತಂಡವನ್ನ ಡೆಲ್ಲಿ ಕ್ಯಾಪಿಟಲ್ಸ್​ ಬಗ್ಗು ಬಡಿದು ಐಪಿಎಲ್​ ಇತಿಹಾಸದಲ್ಲಿ ಮೊದಲ ಬಾರಿಗೆ ಫೈನಲ್​ ಪ್ರವೇಶಿಸಿದೆ.

ಅಬುಧಾಬಿ ಅಂಗಳದಲ್ಲಿ ನಡೆದ ಮಹಾ ಕದನದಲ್ಲಿ ಟಾಸ್​ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್​ ಬ್ಯಾಟಿಂಗ್​ ಆಯ್ದಕೊಂಡಿತ್ತು. ಪೃಥ್ವಿ ಶಾ ಬದಲು ತಂಡದ ಓಪನರ್​ ರಾಗಿ ಭಡ್ತಿ ಪಡೆದ ಆಲ್​ರೌಂಡರ್​ ಮಾರ್ಕಸ್​ ಸ್ಟೋಯ್ನಿಸ್​ ಓಪನರ್​ ಶಿಖರ್​ ಧವನ್​ ಜೊತೆ  86 ರನ್​ಗಳ  ಸೊಗಸಾದ ಓಪನಿಂಗ್ ಕೊಟ್ರು. ಆದ್ರೆ 38 ರನ್​ಗಳಿಸಿ ಮುನ್ನಗುತ್ತಿದ್ದ ಸ್ಟೋಯ್ನಿಸ್​ ಮಿಸ್ಟ್ರಿ ಸ್ಪಿನ್ನರ್​ ರಶೀದ್​ ಖಾನ್​ ಎಸೆತದಲ್ಲಿ ಬೌಲ್ಡ್​ ಆದ್ರು. ನಂತರ ಬಂದ ನಾಯಕ ಶ್ರೇಯಸ್​ ಅಯ್ಯರ್​ 21 ರನ್​ ಗಳಿಸಿ ಹೋಲ್ಡರ್​ಗೆ ವಿಕೆಟ್​ ಒಪ್ಪಿಸಿದ್ರು.

ನಂತರ ಹೇಟ್ಮಯರ್​ ಜೊತೆಗೂಡಿ ಭರ್ಜರಿ ಬ್ಯಾಟಿಂಗ್​ ಮಾಡಿದ ಶಿಖರ್​ ಧವನ್ 78 ರನ್​ ಸಿಡಿಸಿ ಸಂದೀಪ್​ ಶರ್ಮಾ ಎಸೆತದಲ್ಲಿ ಎಲ್​ಬಿ ಬಲೆಗೆ ಬಿದ್ದು ಪೆವಿಲಿಯನ್​ ಸೇರಿದ್ರು. ಕೊನೆಯಲ್ಲಿ ಹೇಟ್ಮಯರ್​ ಅಜೇಯ 42, ರಿಷಬ್​ ಪಂತ್​ ಅಜೇಯ 2 ರನ್​ ಕಲೆ ಹಾಕಿದ್ರು. ಇದರೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್​ ನಿಗದಿತ 20 ಓವರ್​ಗಳಲ್ಲಿ 3 ವಿಕೆಟ್​ ನಷ್ಟಕ್ಕೆ 189 ರನ್ ಕಲೆ ಹಾಕಿತು.

190 ರನ್​ಗಳ ಬಿಗ್​ ಟಾರ್ಗೆಟ್​ ಬೆನ್ನತ್ತಿದ ಸನ್​ರೈಸರ್ಸ್​ ಡೆಲ್ಲಿ ವೇಗಿಗಳಾದ ಮಾರ್ಕಸ್​ ಸ್ಟೋಯ್ನಿಸ್​ ಮತ್ತು  ರಬಾಡ ದಾಳಿಗೆ ತತ್ತರಿಸಿ ಹೋಯ್ತು. ಪ್ರೀಯಮ್​ ಗರ್ಗ್​ 7, ಡೇವಿಡ್​ ವಾರ್ನರ್​ 17,ಮನೀಶ್​ ಪಾಂಡೆ 21, ಕೇನ್​ ವಿಲಿಯಮ್ಸನ್​ 67, ಜಾಸನ್​ ಹೋಲ್ಡರ್​ 11, ಅಬ್ದುಲ್​ ಸಮಾದ್​ 33, ರಶೀದ್​ ಖಾನ್​ 11 ಕೊನೆಯವರೆಗೂ ಹೋರಾಡಿದ ಸನ್​ರೈಸರ್ಸ್​ ತಂಡ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 172 ರನ್​ ಗಳಿಸುವಷ್ಟರ ಮಟ್ಟಿಗೆ ಮಾತ್ರ ಶಕ್ತವಾಯಿತು.

ಡೆಲ್ಲಿ ಕ್ಯಾಪಿಟಲ್ಸ್​ 17 ರನ್​ಗಳ ಗೆಲುವು ಸಾಧಿಸಿ ಫೈನಲ್​ಗೆ ಲಗ್ಗೆ ಹಾಕಿತು. ಡೆಲ್ಲಿ ಪರ ಸ್ಟೋಯ್ನಿಸ್​ 3 ಮತ್ತು ರಬಾಡ 4 ವಿಕೆಟ್​ ಪಡೆದು ಮಿಂಚಿದ್ರು. ಬ್ಯಾಟಿಂಗ್​ ಬೌಲಿಂಗ್​ ಎರಡರಲ್ಲೂ ಮಿಂಚಿದ ಮಾರ್ಕಸ್​ ಸ್ಟೋಯ್ನಿಸ್​ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದ್ರು.