ನೀರಿನಲ್ಲಿ ಕೊಚ್ಚಿ ಹೋದ ವೃದ್ಧ: ಈಜಿ ದಡ ಸೇರಿ ಪ್ರಾಣಾಪಾಯದಿಂದ ಪಾರು

ರೈಸಿಂಗ್ ಕನ್ನಡ:

ಕೊಪ್ಪಳ:

ಹಳ್ಳ ದಾಟುವಾಗ ಸೈಕಲ್ ಸಮೇತ ವೃದ್ಧರೊಬ್ಬರು ಕೊಚ್ಚಿ ಹೋದ ಘಟನೆ ಕೊಪ್ಪಳದಲ್ಲಿ ನಡೆದಿದೆ.

ಕೊಪ್ಪಳ ಜಿಲ್ಲಾದ್ಯಂತ ಕಳೆದ ಕೆಲವು ದಿನಗಳಿಂದ ಬಾರಿ ಮಳೆಯಾಗುತ್ತಿದೆ. ತಾಲೂಕಿನ ಹುಲಿಗಿ- ಶಿವಪುರ ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸುವ ಹಳ್ಳದಲ್ಲಿ ವೃದ್ಧ ಸೈಕಲ್ ಎತ್ತಿಕೊಂಡು ಬರುತ್ತಿದ್ದರು. ನೋಡ ನೋಡುತ್ತಿದ್ದಂತೆಯೇ ವೃದ್ದ ನೀರಿಗೆ ಕೊಚ್ಚಿ ಹೋದರು.

ಸುಮಾರು ಅರ್ಧ ಕಿ.ಮೀ. ದೂರ ಈಜಿದ ವೃದ್ದ ನಂತರ ದಡ ಸೇರಿದ್ದಾರೆ.  ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ರಸ್ತೆಯ ತುರ್ತು ಸೇತುವೆಯ ಅಗತ್ಯವಿದೆ ಎಂದು ಇಲ್ಲಿನ ಗ್ರಾಮಸ್ಥರು ಮನವಿ ಮಾಡಿದ್ದಾರೆ.  ವೃದ್ದ ಕೊಚ್ಚಿ ಹೋಗಿರುವ ವಿಡಿಯೊ ವೈರಲ್​ ಆಗಿದೆ.