ಸ್ಟೈಲೀಷ್ ಸ್ಟಾರ್​ ಅಲ್ಲು ಅರ್ಜುನ್​ ಸ್ಟೈಲೀಷ್ ಕಾರು : ಎರಡೂವರೆ ಕೋಟಿ ಮೌಲ್ಯದ ರೇಂಜ್​ ರೋವರ್​ ಹೇಗಿದೆ ನೋಡಿ..!

ಹೈದರಾಬಾದ್ : ತೆಲುಗು ಚಿತ್ರರಂಗದ ಸೂಪರ್​ಸ್ಟಾರ್,ಸ್ಟೈಲೀಷ್ ಸ್ಟಾರ್​ ಎಂದೇ ಫೇಮಸ್​ ಆಗಿರೋ ಅಲ್ಲು ಅರ್ಜುನ್​ ಹೊಸ ವಿಚಾರವಾಗಿ ಸುದ್ದಿಯಾಗಿದ್ದಾರೆ. ಅಲ್ಲು ಅರ್ಜುನ್​ ಹೊಸ ರೇಂಜ್​ ರೋವರ್​ ಕಾರು ಖರೀದಿಸಿದ್ದಾರೆ. ಇದರ ಬೆಲೆ ಬರೋಬ್ಬರಿ 2 ಕೋಟಿ 33 ಲಕ್ಷ ರೂಪಾಯಿ. ಈ ಕಾರಿಗೆ ಅಲ್ಲು ಅರ್ಜುನ್​ ಇಟ್ಟಿರೋ ಹೆಸರು ಬೀಸ್ಟ್​..

ತನ್ನ ಹೊಸ ಕಾರಿನ ಬಗ್ಗೆ ಟ್ವಿಟ್ಟರ್​​ನಲ್ಲಿ ಬರೆದುಕೊಂಡಿರೋ ಅಲ್ಲು ಅರ್ಜುನ್​​, ನಮ್ಮ ಮನೆ ಹೊಸ ಕಾರಿನ ಆಗಮನವಾಗಿದೆ. ನಾನು ಇದಕ್ಕೆ ಬೀಸ್ಟ್​ ಅಂತ ಹೆಸರಿಟ್ಟಿದ್ದೇನೆ. ಪ್ರತಿ ಬಾರಿಯೂ ನಾನು ಏನಾದರು ಹೊಸದನ್ನ ಖರೀದಿ ಮಾಡ್ತೇನೆ. ಈ ಬಾರಿ ಬೀಸ್ಟ್​​ ಎಂದು ಕಾರಿನ ಜೊತೆ ಇರೋ ಚಿತ್ರವನ್ನ ಪೋಸ್ಟ್ ಮಾಡಿದ್ದಾರೆ.

ರೇಂಜ್​ ರೋವರ್​​ನಲ್ಲಿ ಹಲವು ಮಾಡೆಲ್​ಗಳಿದ್ದು, ಇದು ಲಕ್ಸುರಿ ಕಾರಾಗಿದೆ. ಇತ್ತೀಚೆಗಷ್ಟೇ ಅಂದ್ರೆ, ಜುಲೈ 2019ರಂದು ರಾಯಲ್ ವ್ಯಾನಿಟಿ ವ್ಯಾನ್​ ಅಂದ್ರೆ, ಕ್ಯಾರಾವ್ಯಾನ್​ ಅನ್ನ ಖರೀದಿ ಮಾಡಿದ್ರು. ಅದಕ್ಕೆ ಬರೋಬ್ಬರಿ 8 ಕೋಟಿ ವೆಚ್ಚ ಮಾಡಿದ್ರು..

ಹಲವು ಬಾಲಿವುಡ್​ ತಾರೆಯರು, ಖ್ಯಾತ ನಟರು, ಕ್ರಿಕೆಟ್​ ತಾರೆಯರ ಬಳಿ ರೇಂಜ್​ ರೋವರ್ ಕಾರುಗಳಿವೆ. ಅಮಿತಾಭ್ ಬಚ್ಚನ್​​, ಶಾರೂಖ್​ ಖಾನ್​, ಅನಂತ್ ಅಂಬಾನಿ, ಆಕಾಶ್ ಅಂಬಾನಿ, ವಿರಾಟ್​ ಕೊಹ್ಲಿ, ಆಲಿಯಾ ಭಟ್​​, ರಣ್ಬೀರ್ ಕಪೂರ್​ ಸೇರಿದಂತೆ ಹಲವು ಖ್ಯಾತನಾಮರ ಬಳಿಕ ರೇಂಜ್​ ರೋವರ್ ಕಾರಿದೆ.