Featured
ಕೃಷಿ ಮಸೂದೆಗೆ ವಿರೋಧ: ನಾಳೆ ಬಂದ್ಗೆ ಕರೆ ಕೊಟ್ಟ ರೈತ ಪರ ಸಂಘಟನೆಗಳು
ರೈಸಿಂಗ್ ಕನ್ನಡ:
ಬೆಂಗಳೂರು:
ವಿರೋಧದ ನಡುವೆಯೂ ಕೃಷಿ ಮಸೂದೆ ಜಾರಿಗೆ ತರಲು ಹೊರಟಿರುವ ರಾಜ್ಯ ಸರ್ಕಾರದ ನಡೆ ಖಂಡಿಸಿ ರೈತ ಪರ ಸಂಘಟನೆಗಳು ಸೆ.28ರಂದು ಕರ್ನಾಟಕ ಬಂದ್ಗೆ ಕರೆಕೊಟ್ಟಿವೆ.
ರೈತ ಪರ ಸಂಘಟನೆಗಳಿಗೆ ಹಲವು ಸಂಘಟನೆಗಳು ಬೆಂಬಲ ಕೊಟ್ಟಿವೆ. ಇನ್ನು ಕೆಲವು ಸಂಘಟನೆಗಳು ನೈತಿಕ ಬೆಂಬಲ ಕೊಟ್ಟಿವೆ. ಪ್ರಮುಖ ಸಂಘಟನೆಗಳಾದ ಕರ್ನಾಟಕ ಪ್ರಾಂತ ರೈತ ಸಂಘ, ಅಖಿಲಾ ಭಾರತ ಕಸಾನ್ ಸಭಾ,ರೈತ ಕೃಷಿ ಕಾರ್ಮಿಕ ಸಭಾ,ಕರ್ನಾಟಕ ಪ್ರಾಂತ ಕೃಷಿ ಕೂಲಿಕಾರರ ಸಂಘ, ಅಶಾ ಜನಶಕ್ತಿ ಸಂಘ ಸೇರಿದಂತೆ 9 ಸಂಘಟನೆಗಳು ಬಂದ್ಗೆ ಕರೆ ಕೊಟ್ಟಿವೆ.
ರೈತ ಸಂಘ, ಹಸಿರು ಸೇನೆ, ದಲಿತ ಸಂಘಟನೆಗಳು, ಕನ್ನಡ ಪರ ಸಂಘಟನೆಗಳು , ಸಿಐಟಿಯು ಸಂಘಟನೆ ಬಂದ್ಗೆ ಬೆಂಬಲ ಸೂಚಿಸಿವೆ.
ಬೆಳಗ್ಗೆ 6 ಗಂಟೆಯಿಂದ ಸಂಜೆ 6 ಗಂಟೆಯವರೆಗೆ ಕರ್ನಾಟಕ ಸಂಪೂರ್ಣ ಬಂದ್ ಆಗಲಿದೆ ಎಂದು ರಾಜ್ಯ ರೈತ ಸಂಘದ ಅಧ್ಯಕ್ಷ ಕೋಡಿಹಳ್ಳಿ ಚಂದ್ರ ಶೇಖರ್ ಹೆಳಿದ್ದಾರೆ.
ಬಂದ್ ವೇಳೆ ಪೇಪರ್, ಹಾಲು,ಹಣ್ಣು ತರಕಾರಿ ಅವಶ್ಯಕ ಸೇವೆಗಳು ಸಿಗಲಿವೆ.ಇನ್ನು ಮೆಡಿಕಲ್ ಮಳಿಗೆ ಮತ್ತು ಆಸ್ಪತ್ರೆ ಅಗತ್ಯವಾಗಿರುವುದರಿಂದ ಎಂದಿನಂತೆ ತೆರೆದಿರುತ್ತದೆ. ಪೆಟ್ರೊಲ್ ಬಂಕ್ ಮಾಲೀಕರು, ಹೋಟೆಲ್ ಮತ್ತು ಬಾರ್ ಮಾಲೀಕರ ಸಂಘ ನೈತಿಕ ಬೆಂಬಲ ಮಾತ್ರ ನೀಡಿದ್ದಾರೆ.ಇವೆಲ್ಲವೂ ಎಂದಿನಂತೆ ಕಾರ್ಯನಿರ್ವಹಿಸಲಿವೆ.
ಸೋಮವಾರ ಓಲಾ- ಉಬರ್ ಚಾಲಕರ ಸಂಘಗಳು ರೈತರಿಗೆ ಬೆಂಬಲ ನೀಡಿರುವುದರಿಂದ ಟ್ಯಾಕ್ಸ್ ಮತ್ತು ಆಟೋಗಳು ರಸ್ತೆಗಿಳಿಯೋದು ಅನುಮಾನದಿಂದ ಕೂಡಿದೆ. ಇನ್ನು ಖಾಸಗಿ ಬಸ್ ಸಂಘ ಬೆಂಬಲ ಸೂಚಿಸುವುದು ದಟ್ಟವಾಗಿದೆ.
