ಕೊರೊನಾ ಅಬ್ಬರ: 49 ಲಕ್ಷ ಸಮೀಪಕ್ಕೆ ಕೊರೊನಾ ಕೇಸ್:1,054 ಮಂದಿ ಸಾವು

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​:

ದೇಶಾದ್ಯಂತ ಕೊರೊನಾ ರಣಕೇಕೆ ಮುಂದುವರೆದಿದ್ದು  ಸೋಂಕಿತರ ಸಂಖ್ಯೆ 49 ಲಕ್ಷ ಗಡಿ ಸಮೀಪಕ್ಕೆ ಬಂದು ನಿಂತಿದೆ.

ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ 83,809 ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿವೆ. ಇದರೊಂದಿಗೆ ದೇಶದಲ್ಲಿ ಒಟ್ಟು ಕೊರೊನಾ ಸೋಂಕಿತರ ಸಂಖ್ಯೆ 49,30,237ಕ್ಕೆ ಏರಿದೆ.

ಇನ್ನು ಕಳೆದ ಒಂದು ದಿನದಲ್ಲಿ ಕೋವಿಡ್​ 19ಗೆ 1,054 ಮಂದಿ ಸಾವನಪ್ಪಿದ್ದಾರೆ. ದೇಶದಲ್ಲಿ ಇದುವರೆಗೂ ಕೋವಿಡ್​ಗೆ 19ಗೆ ಬಲಿಯಾದವರ ಸಂಖ್ಯೆ  80,776 ಮಂದಿಗೆ ಏರಿದೆ. ದೇಶದಲ್ಲಿ ಒಟ್ಟು 49,30,237 ಸೋಂಕಿತರ ಪೈಕಿ 9,90,061 ಸಕ್ರಿಯ ಪ್ರಕರಣಗಳಿವೆ.

ಈವರೆಗೂ 38,59,400 ಮಂದಿ ಸೋಂಕಿತರು ಗುಣಮುಖರಾಗಿದ್ದಾರೆ. ಸೋಮವಾರ ದೇಶಾದ್ಯಂತ 10,72,845 ಪರೀಕ್ಷೆಗಳನ್ನ ನಡೆಸಲಾಗಿದೆ.ಶೇ.1.64ರಷ್ಟು ಕೊರೊನಾ ಮರಣ ಪ್ರಮಾಣ ಕುಸಿದಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.