ವೀರೇಂದ್ರ ಸೆಹ್ವಾಗ್ ​ತನ್ನ ಪತ್ನಿ ಕುರಿತು ಆ ಮಾತು ಹೇಳಿದ್ದು ಯಾಕೆ.? : ವೀರೂ ಸಂಸಾರದ ಗುಟ್ಟೇನು.?

ದೆಹಲಿ : ಭಾರತೀಯ ಕ್ರಿಕೆಟ್​ ತಂಡದ ಮಾಜಿ ಬ್ಯಾಟ್ಸ್​​ಮನ್​, ಸ್ಫೋಟಕ ಆಟಗಾರ ವೀರೇಂದ್ರ ಸೆಹವಾಗ್​ ಟ್ವಿಟ್ಟರ್​ನಲ್ಲಿ ಸದಾ ಸಕ್ರಿಯರಾಗಿ ಇರ್ತಾರೆ. ಏನಾದರೊಂದು ಪೋಸ್ಟ್​ ಮಾಡಿ, ಒಮ್ಮೊಮ್ಮೆ ಕಾಮಿಡಿ ಮಾಡಿದ್ರೆ, ಒಮ್ಮೊಮ್ಮೆ ವಿವಾದಕ್ಕೂ ಕಾರಣರಾಗ್ತಾರೆ. ಅದರಂತೆ ಈ ಬಾರಿ ತನ್ನ ಪತ್ನಿ ಜೊತೆಗಿನ ಫೋಟೋವೊಂದನ್ನ ಇನ್ಸ್​ಟಾ ಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದು, ಸಖತ್​ ಕಾಮಿಡಿ ಮಾಡಿದ್ದಾರೆ. ಇದು ಸದ್ಯ ಇಂಟರ್​ನೆಟ್​ನಲ್ಲಿ ವೈರಲ್​ ಆಗಿದೆ.

ಒಳ್ಳೇ ಹೆಂಡತಿ ತಾನು ಮಾಡಿದ್ದು ತಪ್ಪಾಗಿದ್ದರೆ ಗಂಡನನ್ನ ಕ್ಷಮಿಸ್ತಾಳೆ..!

ಹೀಗಂತ ಪೋಸ್ಟ್​​ ಮಾಡಿದ್ದಾರೆ ಸೆಹ್ವಾಗ್​. ಕಾರ್ಯಕ್ರಮವೊಂದರಲ್ಲಿ ಪತ್ನಿ ಜೊತೆ ಫೋಟೋಗೆ ಫೋಸ್​ ಕೊಟ್ಟಿರೋ ಸೆಹ್ವಾಗ್​, ಪತ್ನಿ ಜೊತೆಗಿನ ತನ್ನ ಫೋಟೋವನ್ನ ಇನ್ಸ್​​​ಟಾ ಗ್ರಾಂ​ನಲ್ಲಿ ಪೋಸ್ಟ್​ ಮಾಡಿದ್ದಾರೆ. ಒಳ್ಳೇ ಹೆಂಡ್ತಿ, ತನ್ನಿಂದ ಏನಾದರೂ ತಪ್ಪಾಗಿದ್ದರೆ ಗಂಡನನ್ನ ಕ್ಷಮಿಸುತ್ತಾಳೆ ಎಂದು ಸೆಹ್ವಾಗ್ ಹಾಸ್ಯ ಮಾಡಿದ್ದಾರೆ. ಇಷ್ಟೇ ಅಲ್ಲದೆ, ಗುಡ್​ ಲೈಫ್​ ವಿತ್​ ವಂಡರ್​​ಫುಲ್​ ವೈಫ್​ ಎಂದು ಹೇಳಿದ್ದಾರೆ.

ಸೆಹ್ವಾಗ್ ಯಾವ ಅರ್ಥದಲ್ಲಿ ಇದನ್ನ ಹೇಳಿದರೋ ಏನೋ ಗೊತ್ತಿಲ್ಲ. ಆದ್ರೆ, ಸೆಹ್ವಾಗ್​ ಹಾಕಿರೋ ಕ್ಯಾಪ್ಷನ್​​ ಬಗ್ಗೆ ಈಗ ಎಲ್ಲೆಡೆ ಚರ್ಚೆ ಶುರುವಾಗಿದೆ. ಇಂಟರ್​ನೆಟ್​ನಲ್ಲಿ ಸೆಹ್ವಾಗ್ ಹೇಳಿಕೆ ಬಗ್ಗೆ ಚರ್ಚೆ ಆಗ್ತಿದೆ. ಮದುವೆ, ಹೆಂಡ್ತಿ, ಫ್ಯಾಮಿಲಿ ಅನ್ನೋದ್ರ ಬಗ್ಗೆ ಸೋಶಿಯಲ್​ ಮೀಡಿಯಾದಲ್ಲಿ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ಕಾಮೆಂಟ್​ ಮಾಡ್ತಿದ್ದಾರೆ.