ರಾಫೆಲ್ ಸೇರ್ಪಡೆಯಿಂದ ಕಠಿಣ ಸಂದೇಶ ರವಾನೆ: ರಕ್ಷಣ ಸಚಿವ ರಾಜನಾಥ್ ಸಿಂಗ್

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​: 

ದೇಶದ ಸಾರ್ವಭೌಮತ್ವದ ಮೇಲೆ ಕಣ್ಣಿಟ್ಟವರಿಗೆ ರಗಡ್​ ರಾಫೆಲ್​ ಯುದ್ಧ ವಿಮಾನ ಭಾರತೀಯ ವಾಯುಪಡೆಗೆ ಸೇರ್ಪಡೆಯಾಗಿರುವುದು ಅತಿ ದೊಡ್ಡ ಸಂದೇಶ ಹೋಗಿದೆ ಎಂದು ಕೇಂದ್ರ ರಕ್ಷಣಾ ಸಚಿವ ರಾಜನಾಥ್​ ಸಿಂಗ್ ಹೇಳಿದ್ದಾರೆ.

ಹರ್ಯಾಣದ ಅಂಬಾಲಾ ವಾಯುನೆಲೆಯಲ್ಲಿ ಗುರುವಾರ ರಫೆಲ್​ ಯುದ್ಧ ವಿಮಾನಗಳನ್ನ ಅಧಿಕೃತವಾಗಿ ಭಾರತೀಯ ಸೇನೆಗೆ ಸೇರ್ಪಡೆಗೊಳಿಸಲಾಯಿತು.

ಸರ್ವ ಧರ್ಮ ಪೂಜೆ ಮೂಲಕ ಯುದ್ಧ ವಿಮಾನಗಳನ್ನ ಸೇನೆಗೆ ಸೇರಿಸಿದ ನಂತರ ಮಾತನಾಡಿದ ರಕ್ಷಣ ಸಚಿವ, ದೇಶದ ಸ್ವಾಯತ್ತತೆ, ಪ್ರಾಂತೀಯ ಐಕ್ಯತೆ, ಸಾರ್ವಭೌಮತ್ವದ ವಿಚಾರದಲ್ಲಿ ರಾಜಿ ಮಾಡಿಕೊಂಡಿಲ್ಲ. ಆದರೆ ಕಾಲಕ್ಕೆ ತಕ್ಕಂತೆ ನಾವು ನಮ್ಮನ್ನ ಸಿದ್ಧರಾಗಿರಬೇಕಿದೆ.ರಾಫೆಲ್​ ಸೇರ್ಪಡೆಯಿಂದ ವಾಯುಪಡೆಯ ಸಾಮರ್ಥ್ಯ, ತಾಂತ್ರಿಕವಾಗಿ ಕ್ರಾಂತಿಕಾರಿಯಾಗಿ ಬದಲಾಗಲಿದೆ.

ಇತ್ತಿಚೆಗೆ ಗಡಿಯಲ್ಲಿ ಚೀನಾ ಜೊತೆಗಿನ ಜಟಾಪಟಿಯನ್ನ ಉಲ್ಲೇಖಿಸಿದ ಅವರು,ದುರದೃಷ್ಟಕರ ಘಟನೆ ವೇಳೆ ಭಾರತೀಯ ವಾಯುಪಡೆ ಗಡಿ ವಾಸ್ತವ ಬಳಿ ತೆಗೆದುಕೊಂಡ  ದಿಡ್ಡ ನಿರ್ಧಾರ ಬದ್ಧತೆಯನ್ನ ತೋರಿಸುತ್ತದೆ. ವಾಯುಪಡೆ ತನ್ನ ಸಾಧನಗಳನ್ನು ಫಾರ್ವರ್ಡ್​ಬೇಸ್​ಗಳಲ್ಲಿ ನಿಯೋಜಿಸಿದ ವೇಗವು ನಮ್ಮ ವಾಯುಪಡೆಯು ತನ್ನ ಜವಾಬ್ದಾರಿಗಳನ್ನ ಪೂರೈಸಲು ಸಿದ್ಧವಾಗಿದೆ ಎಂದರು.