ಜಲಪಾತದಲ್ಲಿ ಸಿಲುಕಿದವರ ರಕ್ಷಣೆಗೆ ಹಗ್ಗ ಹಿಡಿದು ಓಡಿ ಬಂದರು…

ಶಿವಮೊಗ್ಗ:

ಹೊಸನಗರ – ತೀರ್ಥಹಳ್ಳಿ ಗಡಿಯಲ್ಲಿನ ಅದ್ಭುತ ಜಲಪಾತ ತಲಸಿ ಅಬ್ಬಿಯಲ್ಲಿ ಇಬ್ಬರು ಪ್ರವಾಸಿಗರು ಸಿಲುಕಿಕೊಂಡಿದ್ದು ಇನ್ನೇನು ಕೊಚ್ಚಿಕೊಂಡು ಹೋಗಬೇಕು ಅಷ್ಟರಲ್ಲಿ ಗ್ರಾಮಸ್ಥರ ಸಹಾಯದಿಂದ ಬಚಾವ್ ಆಗಿದ್ದಾರೆ.

ತಲಸಿ ಅಬ್ಬಿ ಇರುವುದು ಯಡೂರು ಹಳ್ಳಿಯ ಸಮೀಪ, ಈ ಬಾರಿ ಮಳೆ ಸಂಪನ್ನವಾಗಿ ಸುರಿದ್ದಿದ್ದರಿಂದ ನಿರ್ಜೀವ ಹೊಂದಿರುವ ಜಲಪಾತಗಳೂ ಜೀವ ಪಡೆದುಕೊಂಡಿದ್ದವು, ಅದರಲ್ಲಿ ಈ ತಲಸಿ ಅಬ್ಬಿಯೂ ಒಂದು.

ಈ ಅಮೋಘ ಜಲಪಾತ ನೋಡಲು ಬಂದ ಪ್ರವಾಸಿಗರಲ್ಲಿ ಇಬ್ಬರು ಬಂಡೆಯಲ್ಲಿ ದಾಟಲು ಹೋಗಿ ಜಾರಿದ್ದು ಪ್ರವಾಹದ ಸುಳಿಯಲ್ಲಿ ಸಿಲುಕಿ ಕೊಂಡಿದ್ದರು.

ಪ್ರವಾಸಿಗರ ಕೂಗಾಟ, ಚೀರಾಟ ಕೇಳಿ ಹಗ್ಗ ಹಿಡಿದು ಓಡಿ ಬಂದ ಗ್ರಾಮಸ್ಥರು ಪ್ರವಾಸಿಗರನ್ನ ರಕ್ಷಣೆ ಮಾಡಿದ್ದಾರೆ.