ಯಾದಗಿರಿಯಲ್ಲಿ ನೀರು ಪಾಲಾಗಿದ್ದ ನಾಲ್ವರು ಬಾಲಕರು ಶವವಾಗಿ ಪತ್ತೆ

ರೈಸಿಂಗ್ ಕನ್ನಡ:

ಯಾದಗಿರಿ:

ಭೀಮಾನದಿಯ ನೀರಲ್ಲಿ ಈಜಾಡಲು ತೆರಳಿ ನೀರು ಪಾಲಾಗಿದ್ದ ನಾಲ್ವರು ಬಾಲಕರ ಶವ ಪತ್ತೆಯಾಗಿವೆ.ಎನ್ ಡಿ ಆರ್ ಎಫ್ ತಂಡ ಅಗ್ನಿಶಾಮಕದಳ,ಮೀನುಗಾರರ ತಂಡಗಳು ನಾಲ್ವರು ಬಾಲಕರ ಶವ ಪತ್ತೆ ಮಾಡಲಾಗಿದೆ.
ಯಾದಗಿರಿ ಜಿಲ್ಲೆಯ ವಡಗೇರಾ ತಾಲೂಕಿನ ಗುರುಸಣಗಿ ಗ್ರಾಮದ ಸಮೀಪದ ಭೀಮಾನದಿಯಲ್ಲಿ ನಾಲ್ವರು ಸ್ನೇಹಿತರು ನಿನ್ನೆ ಈಜಾಡಲು ಹೋಗಿ ನೀರು ಪಾಲಾಗಿದ್ದರು.

ಬೆಳಿಗ್ಗೆಯಿಂದಲೇ ಭೀಮಾನದಿಯಲ್ಲಿ ಬೋಟ್ ಗಳ ಮೂಲಕ ಶವ ಶೋಧ ಕಾರ್ಯಾಚರಣೆ ನಡೆಸಲಾಗಿದ್ದು ಅಮಾನ್,ಅಯಾನ್,ರೆಹಾನ್,ಇರ್ಫಾನ್ ಈ ನಾಲ್ವರು ಬಾಲಕರ ಶವ ಪತ್ತೆ ಮಾಡಲಾಗಿದೆ.

ಸ್ಥಳದಲ್ಲೇ ಜಿಲ್ಲಾಧಿಕಾರಿ ಡಾ.ರಾಗಾಪ್ರಿಯಾ, ಎಸ್ಪಿ ಋಷಿಕೇಶ್ ಭಗವಾನ್ ಸೋನವಣೆ,ಎಸಿ ಶಂಕರಗೌಡ ಸೋಮನಾಳ ಅವರು ಸ್ಥಳದಲ್ಲೇ ಇದ್ದರು.ಮೃತರ ಸಂಬಂಧಿಕರ ಅಕ್ರಂದನ‌ ಮುಗಿಲು‌ ಮುಟ್ಟಿದೆ.ವಡಗೇರಾ ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಾಗಿದೆ