ಮುಂದುವರೆದ ಕೊರೊನಾ ರಣಕೇಕೆ: ಸೋಂಕಿನಲ್ಲಿ ಬ್ರೇಜಿಲ್ ಹಿಂದಿಕ್ಕಿ 2ನೇ ಸ್ಥಾನಕ್ಕೇರಿದ ಭಾರತ: 90,802 ಕೇಸ್

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​:

ದೇಶದಲ್ಲಿ ಕೊರೊನಾ ರಣಕೇಕೆ ಮುಂದುವರೆದಿದ್ದು ಕೊರೊನಾ ಅಂಕಪಟ್ಟಿಯಲ್ಲಿ ಬ್ರೇಜಿಲ್​ ಅನ್ನ ಹಿಂದಿಕ್ಕಿ ಎರಡನೇ ಸ್ಥಾನಕ್ಕೇರಿದೆ.ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 42 ಲಕ್ಷ ಗಡಿ ದಾಟಿದೆ.

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಕಳೆದ 24 ಗಂಟೆಯಲ್ಲಿ ದೇಶಾದ್ಯಂತ 90,802 ಹೊಸ ಕೊರೊನಾ ಪ್ರಕರಣಗಳು ಕಂಡುಬಂದಿವೆ. ಇದರೊಂದಿಗೆ ದೇಶದಲ್ಲಿ  ಕೊರೊನಾ ಸೋಂಕಿತರ ಸಂಖ್ಯೆ  42 ಲಕ್ಷ ಗಡಿ ದಾಟಿದೆ.

ಕಳೆದ ಒಂದು ದಿನದಲ್ಲಿ  1,016 ಮಂದಿ  ಕ್ರೂರಿ ಏಟಿಗೆ ಬಲಿಯಾಗಿದ್ದಾರೆ. ಇದರೊಂದಿಗೆ ದೇಶದಲ್ಲಿ ಕೊರೊನಾ ಸಾವನಪ್ಪಿದವರ ಸಂಖ್ಯೆ 71,642ಕ್ಕೆ ಏರಿದೆ.

32,50,429 ಮಂದಿ  ಡಿಸ್ಚಾರ್ಜ್​ ಆಗಿದ್ದಾರೆ.ದೇಶದಲ್ಲಿ  8,82,542 ಸಕ್ರಿಯ ಪ್ರಕರಣಗಳಿವೆ.

42.04 ಲಕ್ಷ ಸೋಂಕಿತರನ್ನ ಹೊಂದಿದ್ದ ಬ್ರೆಜಿಲ್​ ಮೂರನೇ ಸ್ಥಾನಕ್ಕೆ ಕುಸಿದಿದೆ. ಕೊರೊನಾದಿಂದ ಬಳಲಿರುವ ಅಮೆರಿಕಾ 6.2 ಲಕ್ಷ ಸೋಂಕಿತರೊಂದಿಗೆ ಮೊದಲ ಸ್ಥಾನದಲ್ಲಿ ಮುಂದುವರೆದಿದೆ.