Featured
ದೇಶಾದ್ಯಂತ 69,921 ಕೊರೊನಾ ಕೇಸ್: 819 ಬಲಿ,64,442 ಮಂದಿ ಡಿಸ್ಚಾರ್ಜ್
ರೈಸಿಂಗ್ ಕನ್ನಡ :
ನ್ಯೂಸ್ ಡೆಸ್ಕ್:
ಕಳೆದ ಕೆಲವು ದಿನಗಳಿಂದ ಭಾರೀ ಪ್ರಮಾಣದ ಕೊರೊನಾ ಸೋಂಕು ದಾಖಲೆ ಮಟ್ಟಿದಲ್ಲಿ ಕಾಣಿಸಿಕೊಂಡು ಆತಂಕ ಹುಟ್ಟಿಸಿತ್ತು. ಮಂಗಳವಾರ ಕೊರೊನಾ ಅಬ್ಬರ ಕಡಿಮೆಯಾಗಿದೆ.
ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ದೇಶಾದ್ಯಂತ 69,921 ಹೊಸ ಕೊರೊನಾ ಸೋಂಕು ಪತ್ತೆಯಾಗಿದೆ.ಇದರೊಂದಿಗೆ ದೇಶದಲ್ಲಿ ಕೊರೊನಾ
ಸೋಂಕಿತರ ಸಂಖ್ಯೆ 36,91,167ಕ್ಕೆ ಏರಿಕೆಯಾಗಿದೆ.
ಇನ್ನು ಸಾವಿನ ಪ್ರಮಾಣದಲ್ಲೂ ಕಡಿಮೆಯಾಗಿದ್ದು ಕಳೆದ 24 ಗಂಟೆಯಲ್ಲಿ 819 ಬಲಿಯಾಗಿದ್ದಾರೆ. ದೇಶದಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ 65,288ಕ್ಕೆ ಏರಿಕೆಯಾಗಿದೆ. ಭಾನುವಾರ 80 ಸಾವಿರ ಕೇಸ್ ಪತ್ತೆಯಾಗಿದೆ.
ಕಳೆದ ಒಂದು ದಿನದಲ್ಲಿ 64,442 ಮಂದಿ ಚೇತರಿಸಿಕೊಂಡಿದ್ದು 28,39,883 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ. ದೇಶದಲ್ಲಿ 7,85,996 ಸಕ್ರಿಯ ಪ್ರಕರಣಗಳಿವೆ.
ಅತಿ ಹೆಚ್ಚು ಕೊರೊನಾದಿಂದ ಬಳಲಿರುವ ಮಹಾರಾಷ್ಟ್ರದಲ್ಲಿ 16 ಸಾವಿರ ಕೇಸ್, ತಮಿಳುನಾಡಿನಲ್ಲಿ 5,956 ಕೇಸ್, ದೆಹಲಿಯಲ್ಲಿ 1,358 ಕೇಸ್ ಪತ್ತೆಯಾಗಿದೆ.
