ದೇಶದಲ್ಲಿ ಕೊರೊನಾ ‘ಮಹಾ’ಸ್ಪೋಟ : ದಾಖಲೆಯ 75,760 ಕೇಸ್, 1,023 ಬಲಿ

ರೈಸಿಂಗ್ ಕನ್ನಡ

ನ್ಯೂಸ್ ಡೆಸ್ಕ್​: 

ದೇಶದಲ್ಲಿ ಕೊರೊನಾ ಮಹಾ ಸ್ಪೋಟ್ ಆಗಿದ್ದು  ಒಂದೇ ದಿನ ದಾಖಲೆಯ 75 ಸಾವಿರಕ್ಕೂ ಹೆಚ್ಚು ಕೊರೊನಾ ಸೋಂಕಿನ ಪ್ರಕರಣಗಳು ಪತ್ತೆಯಾಗಿದೆ. 

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ  ಕಳೆದ 24 ಗಂಟೆಯಲ್ಲಿ  75,760 ಹೊಸ ಕೊರೊನಾ ಪತ್ತೆಯಾಗಿದೆ. ಇದರೊಂದಿಗೆ ದೇಶದಲ್ಲಿ  ಸೋಂಕಿತರ ಸಂಖ್ಯೆ 33,10,235ಕ್ಕೆ ಏರಿದೆ.

ಇನ್ನು ಸಾವಿನಲ್ಲೂ ಕೊರೊನಾ ರಣಕೇಕೆ ಹಾಕಿದೆ. ಕಳೆದ ಒಂದು ದಿನದಲ್ಲಿ 1,023 ಮಂದಿ ಕ್ರೂರಿ ಹೊಡೆತಕ್ಕೆ ಬಲಿಯಾಗಿದ್ದಾರೆ. ಇದರೊಂದಿಗೆ ದೇಶದಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ 60,472ಕ್ಕೆ ಏರಿದೆ.

ಕೊರೊನಾದಿಂದ ಭಾರೀ ಹಾನಿಗೊಳಗಾಗಿರುವ ಮಹಾರಾಷ್ಟ್ರದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 7,18,711ಕ್ಕೆ ಏರಿದೆ. ಸಾವಿನ ಸಂಖ್ಯೆ 23,089ಕ್ಕೆ ಏರಿದೆ.