Featured
ರಕ್ತ ಮೂಲವ್ಯಾಧಿಗೆ ಮಜ್ಜಿಗೆ ಮ್ಯಾಜಿಕ್..!
ಆಯುರ್ವೇದ ಅತ್ಯಂತ ಹಳೆಯ ಚಿಕಿತ್ಸಾ ಪದ್ಧತಿ. ರೋಗಕ್ಕೆ ಔಷಧ ನೀಡುವ ಆಧುನಿಕ ಚಿಕಿತ್ಸೆಗಿಂತ ರೋಗ ಅಂಟಿಕೊಂಡಿರುವ ದೇಹ ಮತ್ತು ಅದರ ಕಾರಣಗಳನ್ನು ಹುಡುಕಿ ಔಷಧ ನೀಡುವುದೇ ಆಯುರ್ವೇದದ ಶಕ್ತಿ. ಹೀಗಾಗಿ ಆಯುರ್ವೇದ ಚಿಕಿತ್ಸೆ ಸಾಕಷ್ಟು ಪ್ರಸಿದ್ಧಿಯನ್ನು ಪಡೆದಿದೆ. ಆಯುರ್ವೇದದಲ್ಲಿ ಮನೆ ಮದ್ದು ಮತ್ತೊಂದು ವಿಭಾಗ. ನಾವು ಸೇವಿಸುವ ಆಹಾರಗಳಲ್ಲೇ ಮದ್ದಿನ ಶಕ್ತಿಯನ್ನು ಮನೆ ಮದ್ದುಗಳ ಮೂಲಕ ಪಡೆಯಬಹುದು. ಪುರಾಣಿಕ ಆಯುರ್ವೇದ ಚಿಕಿತ್ಸಾ ಕೇಂದ್ರ ಮತ್ತು ಅನುವಂಶೀಯ ವೈದ್ಯರ ಪರಿಷತ್ ದಿನಕ್ಕೊಂದು ಮನೆ ಮದ್ದು ತಿಳಿಸಿಕೊಡುತ್ತಿದೆ. ಮೂಲವ್ಯಾಧಿಗೆ ಮನೆಯಲ್ಲೇ ಹೇಗೆ ಮದ್ದು ಮಾಡಿಕೊಳ್ಳಬಹುದು ಅನ್ನುವುದನ್ನು ಇಲ್ಲಿ ತಿಳಿಸಿಕೊಟ್ಟಿದೆ.
ಮೂಲವ್ಯಾಧಿಗೆ ಮಜ್ಜಿಗೆ ಉತ್ತಮ ಮನೆ ಮದ್ದು. ಆದ್ರೆ ಕೇವಲ ಮಜ್ಜಿಗೆಯಿಂದ ಮಾತ್ರ ಮೂಲವ್ಯಾಧಿ ಕಡಿಮೆಯಾಗುವುದಿಲ್ಲ. ಮಜ್ಜಿಗೆಯ ಜೊತೆ ಕೆಲವೊಂದು ಸತ್ವಗಳನ್ನು ಸೇರಿಸಿಕೊಳ್ಳಬೇಕು. ಚಿಪ್ಪಳ್ಳಿ, ಚಿತ್ರಮೂಲ, ವಿಡಂಗ, ಶುಂಠಿ, ಅಳಲೆಕಾಯಿ ಸಿಪ್ಪೆ ತೆಗೆದುಕೊಂಡು ಮಿಕ್ಸಿಯಲ್ಲಿ ಹಾಕಿ ಚೆನ್ನಾಗಿ ಪುಡಿ ಮಾಡಿಕೊಳ್ಳಬೇಕು. ನಂತರ ಒಂದು ಬಿಳಿ ವಸ್ತ್ರದಲ್ಲಿ ಈ ಪುಡಿಯನ್ನು ಶೋಧಿಸಿಕೊಳ್ಳಬೇಕು. ಹೀಗೆ ಶೋಧಿಸಿದ ಪುಡಿಯನ್ನು ಮಜ್ಜಿಗೆಯ ಜೊತೆ ಸೇರಿಸಿ ಬೆಳಗ್ಗೆ ಮತ್ತು ಸಾಯಂಕಾಲ ಕುಡಿಯಬೇಕು. ಇದು ರಕ್ತಮೂಲವ್ಯಾಧಿ, ಇನ್ಫೆಕ್ಷನ್ ಅನ್ನು ಕಡಿಮೆ ಮಾಡುತ್ತದೆ.
ಆಯುರ್ವೇದ ಚಿಕಿತ್ಸೆ ಮತ್ತು ಆಯುರ್ವೇದ ಔಷಧಿಗಳ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆಯಲು ಕೆಳಗಿನ ಸಂಖ್ಯೆಗೆ ಕರೆ ಮಾಡಿ..
