ರೋರಿಂಗ್​ ಸ್ಟಾರ್​ V/S ಗೋಲ್ಡನ್​ ಸ್ಟಾರ್​ ಪೈಪೋಟಿ ಯಾಕೆ..? : ಏನಿದರ ಗುಟ್ಟು..?

ಬೆಂಗಳೂರು : ಬಿಗ್​ ಸ್ಟಾರ್​ ಸಿನಿಮಾಗಳು ಒಂದೇ ವಾರದಲ್ಲಿ ರಿಲೀಸ್​ ಆದ್ರೆ, ಇಬ್ಬರಿಗೂ ನಷ್ಟ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಚಾರ. ಹೀಗಾಗಿಯೇ ಬಹಳಷ್ಟು ಸಂದರ್ಭಗಳಲ್ಲಿ ಇಬ್ಬರು ಸ್ಟಾರ್ ಸಿನಿಮಾಗಳು ಒಂದೇ ವಾರ ರಿಲೀಸ್​ ಆಗೋದಿಲ್ಲ. ಆದ್ರೆ, ಸೆಪ್ಟೆಂಬರ್​​ 27ರಂದು ಇಬ್ಬರು ಸ್ಟಾರ್​ ಸಿನಿಮಾಗಳು ರಿಲೀಸ್​ ಆಗ್ತಿದ್ದು, ಕ್ಲಾಷ್​ ಆಗುವ ಸಾಧ್ಯತೆ ಇದೆ.

ಒಂದು ರೋರಿಂಗ್​ ಸ್ಟಾರ್ ಶ್ರೀ ಮುರುಳಿ ಅಭಿನಯದ ಬಹು ನಿರೀಕ್ಷಿತ ಭರಾಟೆ ಸಿನಿಮಾ. ಮತ್ತೊಂದು ಗೋಲ್ಡನ್​ ಸ್ಟಾರ್​ ಅಭಿನಯಿಸಿರೋ ಗೀತಾ ಸಿನಿಮಾ. ಎರಡು ಸಿನಿಮಾಗಳು ಈಗಾಗ್ಲೇ ಟೀಸರ್​ ಹಾಗೂ ಮೇಕಿಂಗ್​ನಿಂದಲೇ ಸಾಕಷ್ಟು ಗಮನ ಸೆಳೆದಿದ್ದು, ನಿರೀಕ್ಷೆ ಹುಟ್ಟಿಸಿವೆ. ಸೆಪ್ಟೆಂಬರ್ 27ಕ್ಕೆ ಸಿನಿಮಾ ಬಿಡುಗಡೆ ಎಂದು ಭರಾಟೆ ಚಿತ್ರತಂಡ ಮೊದಲೇ ಘೋಷಿಸಿತ್ತು. ಈಗ ಗೀತಾ ಸಿನಿಮಾ ತಂಡ ಕೂಡ ಅದೇ ಡೇಟ್​ ಅನೌನ್ಸ್ ಮಾಡಿದೆ.

ಗೀತಾ ಸಿನಿಮಾವನ್ನ ವಿಜಯ್​ ನಾಗೇಂದ್ರ ನಿರ್ದೇಶನ ಮಾಡ್ತಿದ್ರೆ, ಭರಾಟೆ ಸಿನಿಮಾವನ್ನ ಚೇತನ್ ಕುಮಾರ್​ ಡೈರೆಕ್ಟ್ ಮಾಡ್ತಿದ್ದಾರೆ. ಗೀತಾ ಸಿನಿಮಾದಲ್ಲಿ ಕನ್ನಡ, ಕರ್ನಾಟಕದ ಬಗ್ಗೆ ಹೇಳಿರೋ ಡೈಲಾಗ್​ಗಳು ಈಗಾಗ್ಲೇ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಕ್ರೇಜ್​ ಹುಟ್ಟಿಸಿವೆ. ಅದರಂತೆ ಶ್ರೀಮುರಳಿಯ ಭರಾಟೆ ಹಾಡುಗಳು, ಮೇಕಿಂಗ್​, ಟೀಸರ್​ ಕೂಡ ಸಾಕಷ್ಟು ಕುತೂಹಲ ಹುಟ್ಟಿಸಿವೆ.ಹೀಗಾಗಿ, ಎರಡೂ ಸಿನಿಮಾಗಳು ಒಂದೇ ದಿನ ರಿಲೀಸ್​ ಆದ್ರೆ, ಕ್ಲಾಷ್​ ಅಂತೂ ಗ್ಯಾರೆಂಟಿ. ನೋಡೋಣ, ಮುಂದೇನು ನಿರ್ಧಾರಕ್ಕೆ ಬರ್ತಾರೆ ಅನ್ನೋದನ್ನ