ರಾಜ್ಯಕ್ಕೆ ಸಾವಿನ ಭಾನುವಾರ : ಕೊರೊನಾಗೆ ಬರೋಬ್ಬರಿ 124 ಬಲಿ: ಬೆಂಗಳೂರಿನಲ್ಲಿ 49 ಸಾವು

ರೈಸಿಂಗ್ ಕನ್ನಡ :

ಬೆಂಗಳೂರು:

ರಾಜ್ಯದಲ್ಲಿ ಕೊರೊನಾ ಆಬ್ಬರ ಮುಂದುವರೆದಿದ್ದು ಭಾನುವಾರ 7 ಸಾವಿರಕ್ಕೂ ಹೆಚ್ಚು ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.

ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಭಾನುವಾರ  ಬರೋಬ್ಬರಿ 7,040 ಹೊಸ ಕೇಸ್ ಪತ್ತೆಯಾಗಿದೆ. ಇದರೊಂದಿಗೆ ಸೋಂಕಿತರ ಸಂಖ್ಯೆ 2,26,966ಕ್ಕೆ ಏರಿದೆ. ರಾಜ್ಯದಲ್ಲಿ  ಒಟ್ಟು 81,512 ಪ್ರಕರಣಗಳಿವೆ.

ಇನ್ನು ಸಾವಿನಲ್ಲೂ ಕೊರೊನಾ ಮರಣ ಮೃದಂಗ ಬಾರಿಸಿದೆ. ಕಳೆದ 24 ಗಂಟೆಯಲ್ಲಿ ದಾಖಲೆಯ 124 ಮಂದಿ ಕೊನೆಯುಸಿರೆಳೆದಿದ್ದಾರೆ. ಇದರೊಂದಿಗೆ ರಾಜ್ಯದಲ್ಲಿ  ಒಟ್ಟು  ಮೃತ ಪಟ್ಟವರ ಸಂಖ್ಯೆ 3,947ಕ್ಕೆ ಏರಿದೆ.

ಭಾನುವಾರ 6,680 ಮಂದಿ ಕೋವಿಡ್​ 19ನಿಂದ ಚೇತರಿಸಿಕಕೊಂಡು ಡಿಸ್ಚಾರ್ಜ್​ ಆಗಿದ್ದಾರೆ. ಒಟ್ಟು ಬಿಡುಗಡೆಯಾದವರ ಸಂಖ್ಯೆ  1,41,491 ಕ್ಕೆ ಏರಿದೆ.

ಇನ್ನು ರಾಜಧಾನಿ ಬೆಂಗಳೂರಿನಲ್ಲಿ ಸೋಂಕು ಹೆಚ್ಚಾಗುತ್ತಲ್ಲೇ ಇದ್ದು ಭಾನುವಾರ 2,131 ಹೊಸ ಕೇಸ್ ಪತ್ತೆಯಾಗಿದೆ. ಒಟ್ಟು ನಗದರಲ್ಲಿ ಸೋಂಕಿತರ ಸಂಖ್ಯೆ 89,811ಕ್ಕೆ ಏರಿದೆ. ಇನ್ನು ಸಾವನಲ್ಲೂ ಕೊರೊನಾ ಅಟ್ಟಹಾಸ ಮೆರೆದಿದ್ದು ಭಾನುವಾರ 49 ಮಂದಿ ಸಾವನಪ್ಪಿದ್ದಾರೆ. ಬೆಂಗಳೂರಿನಲ್ಲಿ ಕೊರೊನಾಗೆ ಬಲಿಯದವರ ಸಂಖ್ಯೆ 1,444ಕ್ಕೆ ಏರಿದೆ.

ನಗರದಲ್ಲಿ 2,356 ಮಂದಿ ಬಿಡುಗಡೆಯಾಗಿದ್ದು  ಒಟ್ಟು ಬಿಡುಗಡೆಯಾದವರ ಸಂಖ್ಯೆ 53,782ಕ್ಕೆ ಏರಿದೆ.