ಯಾದಗಿರಿಯಲ್ಲಿ ತುಂತುರು ಮಳೆ: ಜನಜೀವನ ಅಸ್ತವ್ಯಸ್ತ: ಬೆಳೆ ನಾಶದ ಭಯ

ರೈಸಿಂಗ್ ಕನ್ನಡ :

ಯಾದಗಿರಿ:

ಯಾದಗಿರಿಯಲ್ಲಿ ತುಂತುರು ಮಳೆ ಮುಂದುವರೆದಿದ್ದು ಜಿಲ್ಲೆಯ ಜನ ಬೇಸತ್ತಿದ್ದಾರೆ.

ಒಂದು ಕಡೆ ಪ್ರವಾಹ ಭೀತಿ ಮತ್ತು ಜಿಟಿಜಟಿ ಮಳೆಗೆ ಮನೆಯಿಂದ ಆಚೆಗೆ ಬರದಂತೆ ಮಾಡಿದೆ.

ಕಳೆದ ನಾಲ್ಕು ದಿನದಿಂದ ಸುರಿಯುತ್ತಿರುವ ಮಳೆಯಿಂದಾಗಿ ಜನಜೀವನ ಅಸ್ತವ್ಯಸ್ತವಾಗಿದೆ.

ನಗರದ ಪ್ರಮುಖ ರಸ್ತೆಗಳು ಖಾಲಿಖಾಲಿಯಾಗಿವೆ. ಜನರಿಲ್ಲದ ಕಾರಣ ಬಹುತೇಕ ಅಂಗಡಿ ಮಾಲೀಕರು ಬಂದ್ ಮಾಡಿ ಮನೆಗೆ ತೆರಳಿದ್ದಾರೆ.

ಇದು ನಗದರಲ್ಲಿರುವವರ  ಕತೆಯಾದರೆ ಇನ್ನು ಜಿಲ್ಲೆಯ ರೈತರದ್ದು ಮತ್ತೊಂದು ಸಮಸ್ಯೆ. ಮಳೆಯಿಂದಾಗಿ ಹೆಸರು, ಹತ್ತಿ, ತೊಗರಿ ಬೆಳೆ ನಾಶದ ಭಯ ಶುರುವಾಗಿದೆ.ಅನ್ನದಾತರಲ್ಲಿ ಆತಂಕ ಮೂಡಿದೆ.