Featured
ಐಪಿಎಲ್ ವೇಳಾಪಟ್ಟಿ ಕಾತರಕ್ಕೆ ಬ್ರೇಕ್ – ಬಿಗ್ ಬಾಸ್ ಹೇಳಿದ್ದೇನು ಗೊತ್ತಾ?
ರೈಸಿಂಗ್ ಕನ್ನಡ :
ಸ್ಪೋರ್ಟ್ಸ್ ಡೆಸ್ಕ್ :
ಐಪಿಎಲ್ ಏನೋ ಬರ್ತಿದೆ ನಿಜ. ಅದಕ್ಕೆ ಅಭಿಮಾನಿಗಳು ಸಖತ್ ಖುಷಿಯಾಗಿದ್ದಾರೆ ಅನ್ನೋದು ನಿಜ. ಹಾಗಾದ್ರೆ, ಐಪಿಎಲ್ ವೇಳಪಟ್ಟಿ ಯಾವಾಗ ರಿಲೀಸ್ ಆಗುತ್ತೆ. ಈಗಾಗಲೇ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೇಳಾಪಟ್ಟಿಗಳು ವೈರಲ್ ಆಗಿವೆ. ಆದ್ರೆ, ಅದ್ಯಾವುದು ನಿಜ ಅಲ್ಲ. ಐಪಿಎಲ್ ವೇಳಾಪಟ್ಟಿ ಇನ್ನೂ ಅನೌನ್ಸ್ ಆಗೇ ಇಲ್ಲ. ಯೆಸ್, ವೀಕ್ಷಕರೇ ಐಪಿಎಲ್ ಮತ್ತು ಕ್ರಿಕೆಟ್ಗೆ ಸಂಬಂಧಿಸಿದ ಪಕ್ಕಾ ಸುದ್ದಿಯನ್ನ ನೀಡೋದೆ ನಮ್ಮ ಕೆಲ್ಸ.
ನಿಜ, ಐಪಿಎಲ್ ವೇಳಾಪಟ್ಟಿ ಮಾತ್ರ ಇನ್ನೂ ಬಿಡುಗಡೆ ಆಗೇ ಇಲ್ಲ. ಹಾಗಾದ್ರೆ ಟೈಮ್ ಟೇಬಲ್ ಯಾವಾಗ ರಿಲೀಸ್ ಆಗುತ್ತೆ. ಆರಂಭಿಕ ಪಂದ್ಯದಲ್ಲಿ ಯಾರೆಲ್ಲಾ ಮುಖಾಮುಖಿ ಆಗ್ತಾರೆ. ಆರ್ಸಿಬಿ ಫಸ್ಟ್ ಮ್ಯಾಚ್ ಯಾರ ಜೊತೆ ಹೀಗೆ ಬರೋ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ.
ಈ ವರ್ಷದ ಐಪಿಎಲ್ ವೇಳಾಪಟ್ಟಿ ಕುರಿತಾಗಿ ಆಡಳಿತ ಸಮಿತಿ ಮುಖ್ಯಸ್ಥ ಬ್ರಿಜೇಶ್ ಪಟೇಲ್ ಮಾತನಾಡಿದ್ದಾರೆ. ತಮ್ಮ ಮಾತಿನಲ್ಲಿ ಕೆಲವು ಮಾಹಿತಿಗಳನ್ನೂ ಹಂಚಿಕೊಂಡಿಡ್ದಾರೆ. ಪ್ರತಿಯೊಬ್ಬರು ಐಪಿಎಲ್ ವೇಳಾಪಟ್ಟಿಗೆ ಕಾತುರರಾಗಿದ್ದಾರೆ ಎಂಬ ವಿಚಾರ ನಮಗೂ ತಿಳಿದಿದೆ. ನಾನು ಮತ್ತು ಸೌರವ್ ಗಂಗೂಲಿ ಇದರ ಬಗ್ಗೆ ಚರ್ಚೆ ನಡೆಸುತ್ತಲೇ ಇದ್ದೇವೆ. ಆದರೆ, ಕೆಲವು ಸಮಸ್ಯೆಗಳನ್ನು ಬಗೆಹರಿಸಿ 7-8 ದಿನಗಳ ಒಳಗಾಗಿ ವೇಳಾಪಟ್ಟಿಯನ್ನು ಅಂತಿಮಗೊಳಿಸಿ ಬಿಡುಗಡೆ ಮಾಡುತ್ತೇವೆ ಅಂತ ಬ್ರಿಜೇಷ್ ಪಟೇಲ್ ತಿಳಿಸಿದ್ದಾರೆ.
ಅಲ್ಲದೆ ಯುಎಇನಲ್ಲಿ ಟೂರ್ನಿ ನಡೀತಿರೋದ್ರಿಂದ, ಯಾವ ಕ್ರೀಡಾಂಗಣದಲ್ಲಿ ಎಷ್ಟು ಪಂದ್ಯ ನಡೆಯಬೇಕು ಎಂಬ ಕುರಿತ ಚರ್ಚೆ ಇನ್ನೂ ನಡೆಯುತ್ತಿದೆ. ಜೊತೆಗೆ ಈ ಬಾರಿಯ ಐಪಿಎಲ್ ಸ್ಪಾನ್ಸರ್ ಫೈನಲ್ ಆದಮೇಲೆ ವೇಳಾಪಟ್ಟಿ ರಿಲೀಸ್ ಆಗಲಿದೆ ಎಂದು ತಿಳಿದು ಬಂದಿದೆ. ಒಟ್ಟಿನಲ್ಲಿ ಐಪಿಎಲ್ ಆರಂಭವಾಗೋ ಡೇಟ್ ಅಂತ ಸಿಕ್ಕಾಗಿದೆ. ಸೆಪ್ಟೆಂಬರ್ 19 ರಿಂದ ಟೂರ್ನಿ ನಡಿಯಲಿದೆ.
