ಕಳೆದ 24 ಗಂಟೆಯಲ್ಲಿ 66 ಸಾವಿರ ಕೊರೊನಾ ಕೇಸ್: 944 ಮಂದಿ ಸಾವು:

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್:

ದೇಶಾದ್ಯಂತ ಕೊರೊನಾ ಅಟ್ಟಹಾಸ ಮೆರೆಯುತ್ತಿದ್ದು ಬುಧವಾರ 66 ಸಾವಿರ ದಾಟಿ ಹೊಸ ಕೊರೊನಾ ಕೇಸ್ ಪತ್ತೆಯಾಗಿದೆ.

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಒಂದೇ ದಿನ ದಾಖಲೆಯ 63,699 ವೈರಸ್​ ಪತ್ತೆಯಾಗಿದೆ. ದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ  23,86,461ಕ್ಕೆ ಏರಿದೆ. ಬುಧವಾರ ದಾಖಲೆಯ 944 ಮಂದಿ ಸಾವನಪ್ಪಿದ್ದಾರೆ. ಇದರೊಂದಿಗೆ ಕೋವಿಡ್​ಗೆ ಬಲಿಯಾದವರ ಸಂಖ್ಯೆ 47,068ಕ್ಕೆ ಏರಿದೆ.

ಸಾವಿನ ಪ್ರಮಾಣದಲ್ಲಿ ಬ್ರಿಟನ್​(46,706) ಅನ್ನ ಭಾರತ ಹಿಂದಿಕ್ಕಿದೆ. ಕೊರೊನಾದಿಂದ ಬಳಲುತ್ತಿರುವ ಅಮೆರಿಕಾ,ಬ್ರೆಜಿಲ್​ ಹಾಗೂ ಮೆಕ್ಸಿಕೊ ಬಳಿಕ ನಾಲ್ಕನೆ ಸ್ಥಾನವನ್ನ ಭಾರತ ಪಡೆದುಕೊಂಡಿದೆ.

ಸಮಾಧಾನಕರ ವಿಚಾರವೆಂದರೆ ಕಳೆದ 24 ಗಂಟೆಯಲ್ಲಿ 56,360 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ. ಚೇತರಿಸಿಕೊಂಡವರ ಸಂಖ್ಯೆ 16,85,175ಕ್ಕೆ ಏರಿದೆ. ಚೇತರಿಕೆ ಪ್ರಮಾಣ ಶೇ.70ಕ್ಕೆ ಏರಿದೆ.