ರಾಮಾರ್ಜುನ ಟ್ರೈಲರ್​ ಬಿಡುಗಡೆ : ಡಿಸೆಂಬರ್​​ಗೆ ಸಿನಿಮಾ ರಿಲೀಸ್​

ಬೆಂಗಳೂರು : ನಟ ಅನೀಶ್ ತೇಜೇಶ್ವರ್​​ ಈಗ ನಿರ್ದೇಶಕರಾಗಿದ್ದು, ನಿರ್ಮಾಣವನ್ನೂ ಮಾಡ್ತಿದ್ದಾರೆ. ಅನೀಶ್ ನಿರ್ದೇಶನದ ಮೊದಲ ಸಿನಿಮಾ ರಾಮಾರ್ಜುನ ಬಿಡುಗಡೆ ರೆಡಿಯಾಗಿದ್ದು, ಟ್ರೈಲರ್​ ರಿಲೀಸ್ ಆಗಿದೆ. ಸಿನಿಮಾದ ಚಿತ್ರೀಕರಣ ಬಹುತೇಕ ಪೂರ್ಣಗೊಂಡಿದ್ದು, ಡಿಸೆಂಬರ್​​ಗೆ ಸಿನಿಮಾ ಬಿಡುಗಡೆ ಆಗೋದು ಪಕ್ಕಾ ಆಗಿದೆ.

ಈ ಹಿಂದೆ ಸಿನಿಮಾಗಳಲ್ಲಿ ನಟಿಸುವಾಗ ನಾನು ಎಲ್ಲಾ ವಿಭಾಗಗಳಲ್ಲಿ ತೊಡಗಿಸಿಕೊಳ್ಳುತ್ತಿದ್ದೆ. ಹೀಗಾಗಿ, ರಾಮಾರ್ಜುನ ಸಿನಿಮಾ ನಿರ್ದೇಶನ ಮಾಡಲು ನನಗೆ ಸುಲಭವಾಯ್ತು ಎನ್ನುತ್ತಾರೆ ಅನೀಶ್. ಈ ನನ್ನ ಸಿನಿಮಾ ರಾಮಾರ್ಜುನ, ಎಲ್ಲಾ ನಿರ್ದೇಶಕರಿಗೆ ಅರ್ಪಿಸೋದಾಗಿ ಅನೀಶ್​ ಹೇಳಿದ್ದಾರೆ.

ನಾಯಕಿಯಾಗಿ ನಿಶ್ವಿಕಾ ನಾಯ್ಡು ನಟಿಸಿದ್ದು, ವಾಸು ನಾನ್​ ಪಕ್ಕಾ ಕಮರ್ಷಿಯಲ್ ಸಿನಿಮಾ ನಂತರ ಹೊಸತನವಿರೋ ಸಿನಿಮಾದಲ್ಲಿ ನಟಿಸಿರೋದಾಗಿ ನಿಶ್ವಿಕಾ ಹೇಳಿದ್ದಾರೆ. ನಟ ಹರೀಶ್​ ಡಾಕ್ಟರ್​ ಪಾತ್ರದಲ್ಲಿ ನಟಿಸಿದ್ದಾರೆ.

ಶರತ್​ ಲೋಹಿತಾಶ್ವ, ನಟ ಅನೀಶ್​​, ನಿಶ್ವಿಕಾ ನಾಯ್ಡು, ಬಾಲ್ ರಾಜ್ವಾಡಿ, ಶಿವಾನಂದ ಸಿಂಧಗಿ,ಲೋಕೇಶ್​ ಸೇರಿದಂತೆ ದೊಡ್ಡ ತಾರಾಗಣವೇ ಚಿತ್ರದಲ್ಲಿದೆ.