ಯಡಿಯೂರಪ್ಪ ಸಿಎಂ ಆಗಲು ಶ್ರಮಿಸಿದ್ದ ಯೋಗೀಶ್ವರ್​​ಗೇ ಸಿಗಲಿಲ್ಲ ಮಂತ್ರಿ ಸ್ಥಾನ..! ಯಾಕೆ ಗೊತ್ತಾ..?

ಬೆಂಗಳೂರು : ಸಮ್ಮಿಶ್ರ ಸರ್ಕಾರವನ್ನ ಉರುಳಿಸಿದ್ದು ಮಾಜಿ ಸಚಿವ, ಚನ್ನಪಟ್ಟಣದ ಮಾಜಿ ಶಾಸಕ ಯೋಗೀಶ್ವರ್​ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಕಾಂಗ್ರೆಸ್, ಜೆಡಿಎಸ್ ಶಾಸಕರ ರಾಜೀನಾಮೆ ಕೊಡಿಸುವಲ್ಲಿ ಯೋಗೀಶ್ವರ್​ ಶ್ರಮ ಸಾಕಷ್ಟಿದೆ. ಇವತ್ತು ಯಡಿಯೂರಪ್ಪ ಸಿಎಂ ಆಗಲು ಕಾರಣ, ಇದೇ ಯೋಗೀಶ್ವರ್. ಆದ್ರೆ, ಯೋಗೀಶ್ವರ್​​ಗೆ ಯಾಕೆ ಸಚಿವ ಸ್ಥಾನ ಮಿಸ್​ ಆಯ್ತು ಅನ್ನೋದೇ ಎಲ್ಲರಿಗೂ ಕಾಡ್ತಿರೋ ಪ್ರಶ್ನೆ.

ಮಲ್ಲೇಶ್ವರಂ ಶಾಸಕ ಡಾ. ಅಶ್ವತ್ಥನಾರಾಯಣ, ಯಲಹಂಕ ಶಾಸಕ ವಿಶ್ವನಾಥ್​ ಹಾಗೂ ಮಾಜಿ ಸಚಿವ ಯೋಗೇಶ್ವರ್​​. ಇವರು ಮೂವರು ಆಪರೇಷನ್​ ಕಮಲದ ಸೂತ್ರಧಾರರು. ಈ ಮೂವರಲ್ಲಿ ಇಬ್ಬರಿಗೆ ಮಂತ್ರಿ ಸ್ಥಾನ ಸಿಕ್ಕೇ ಸಿಗುತ್ತೆ ಅನ್ನೋ ಮಾತು ರಾತ್ರಿವರೆಗೆ ಕೇಳಿ ಬರ್ತಿತ್ತು. ಆದ್ರೆ, ಅಶ್ವತ್ಥ್ ನಾರಾಯಣ ಅವರಿಗೆ ಮಾತ್ರ ಸಿಕ್ತು. ಯೋಗೀಶ್ವರ್​ಗೆ ಮಿಸ್​ ಆಯ್ತು.

ಎರಡನೇ ಹಂತದಲ್ಲಿ ಯೋಗೀಶ್ವರ್​ಗೆ ಮಂತ್ರಿ ಸ್ಥಾನ ಪಕ್ಕಾ

ಸದ್ಯ, ಅನರ್ಹ ಶಾಸಕರಿಗೆ ಯಾವುದೇ ಸ್ಥಾನಮಾನ ಇಲ್ಲ. ಹೀಗಾಗಿ ಯೋಗೀಶ್ವರ್​​ಗೆ ಮಂತ್ರಿ ಸ್ಥಾನ ಕೊಟ್ರೆ, ತಪ್ಪಾಗುತ್ತೆ. ಅನರ್ಹ ಶಾಸಕರ ಪ್ರಕರಣ ಇತ್ಯರ್ಥ ಆದ್ಮೇಲೆ, ಎರಡನೇ ಹಂತದಲ್ಲಿ ಬಹುಶಃ ಸಚಿವ ಸ್ಥಾನ ಸಿಗಬಹುದು ಅನ್ನೋ ನಿರೀಕ್ಷೆ ಇದೆ.

ಒಟ್ಟಿನಲ್ಲಿ ಯೋಗೀಶ್ವರ್​ಗೆ ಸದ್ಯ ಸಚಿವ ಸ್ಥಾನ ನೀಡದೇ ಇರೋದು ಅವರ ಬೆಂಬಲಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ಆದ್ರೆ, ಯೋಗೀಶ್ವರ್ ಮಾತ್ರ ನೋ ವರಿ ಅಂತಿದ್ದಾರೆ.