ಕೇರಳದಲ್ಲಿ ವಿಮಾನ ಅವಘಡ : ಸಾವಿನ ಸಂಖ್ಯೆ 18ಕ್ಕೆ ಏರಿಕೆ : ಹಲವರ ಸ್ಥಿತಿ ಗಂಭೀರ

ರೈಸಿಂಗ್ ಕನ್ನಡ :

ಕೊಚ್ಚಿ :

ಕೇರಳದಲ್ಲಿ ಸಂಭವಿಸಿರುವ ಏರ್ ಇಂಡಿಯಾ ವಿಮಾನ ಅವಘಡದಲ್ಲಿ ಮೃತರ ಸಂಖ್ಯೆ 18ಕ್ಕೆ ಏರಿದೆ. 190 ಜನರ ಪೈಕಿ 100ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ದುಬೈನಿಂದ ಬಂದ ಏರ್​ ಇಂಡಿಯಾ ವಿಮಾನ ಸಂಜೆ 7.45ರ ಸುಮಾರಿನಲ್ಲಿ ಕರಿಪುರ್​ನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ಮಾಡುವ ವೇಳೆ ನಿಯಂತ್ರಣ ತಪ್ಪಿ ಪ್ರಪಾತಕ್ಕೆ ಬಿತ್ತು. ದುರಂತ ಸಂಭವಿಸಿದಾಗ ವಿಮಾನ ಎರಡು ಭಾಗವಾಗಿತ್ತು.

ಇಬ್ಬರು ಪೈಲೆಟ್​ ಸೇರಿದಂತೆ 18 ಮಂದಿ ಸಾವನಪ್ಪಿದ್ದಾರೆ. ಸುಮಾರು 127 ಮಂದಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕೆಲವು ವರ್ಷಗಳ ಹಿಂದೆ ಮಂಗಳೂನರಿನಲ್ಲಿನಡೆದಿದ್ದ ಏರ್ ಇಂಡಿಯಾ ಎಕ್ಸ್​ಪ್ರೆಸ್​ ಮಾದರಿಯಲ್ಲೆ ಈ ದುರಂತೆ ನಡೆದಿದ್ದು ನಾಗರಿಕ ವಿಮಾನಯಾನ ಪ್ರಧಾನ ನಿರ್ದೇಶನಾಲಯ ಪ್ರಕರಣವನ್ನ ತನಿಖೆಗೆ ಆದೇಶಿಸಿದೆ.

ವಿಮಾನ ಲ್ಯಾಂಡಿಂಗ್ ವೇಳೆ ನಿಯಂತ್ರಣ ತಪ್ಪಿದಾಗ ಪೈಲೆಟ್ ವಿಮಾನವನ್ನ ನಿಯಂತ್ರಣಕ್ಕೆ ತರಲು ಪ್ರಯತ್ನಿಸಿದ್ದಾರೆ ಎಂದು ಹರ್ದೀಪ್ ಸಿಂಗ್ ಪುರಿ ಹೇಳಿದ್ದಾರೆ.

ಕಳೆದ ವರ್ಷವೇ ಇಲ್ಲಿನ ರನ್ ವೇ ಸಮಸ್ಯೆ ಬಗ್ಗೆ ಡಿಜಿಸಿಎ ಎಚ್ಚರಿಕೆ ನೀಡಿತ್ತು ಎಂಬ ತಿಳಿದು ಬಂದಿದೆ. ಕೇಂದ್ರ ರಕ್ಷಣಾಸಚಿವ ರಾಜನಾಥ್ ಸಿಂಗ್ ಕೇರಳ ವಿಮಾಣ ದುರಂತದಲ್ಲಿ ಸಾವು ನೋವುಗಳು ನೋವು ತಂದಿದೆ ಎಂದು ಟ್ವೀಟ್ ಮಾಡಿದ್ದಾರೆ.