ಭಾರತೀಯ ಐಟಿ ಉದ್ಯೋಗಿಗಳಿಗೆ ಶಾಕ್ : ಎಚ್1ಬಿ ವೀಸಾ ವಿರುದ್ಧದ ಕಾರ್ಯದೇಶಕ್ಕೆ ಟ್ರಂಪ್ ಸಹಿ

ರೈಸಿಂಗ್ ಕನ್ನಡ :

ನ್ಯೂಸ್​ ಡೆಸ್ಕ್​:

ಭಾರತದ ಐಟಿ ಉದ್ಯೋಗಿಗಳಿಗೆ ಅಮೆರಿಕ ಅಧ್ಯಕ್ಷ ಡೋನಾಲ್ಡ್​ ಟ್ರಂಪ್​ ಶಾಕ್​ ಕೊಟ್ಟಿದ್ದಾರೆ. ವಿದೇಶಿಯರು ಅಮೆರಿಕದಲ್ಲಿ ಕೆಲಸ ಮಾಡಲು ಅವಕಾಶ ಕಲ್ಪಿಸುವ ಎಚ್​1-ಬಿ ವೀಸಾ ವಿರುದ್ದದ ಕಾರ್ಯದೇಶಕ್ಕೆ ಅಮೆರಿಕ ಅಧ್ಯಕ್ಷ ಡೋನಾಲ್ಡ್​ ಟ್ರಂಪ್ ಸಹಿ ಹಾಕಿದ್ದಾರೆ.

ಕಿಲ್ಲರ್​ ಕೊರೊನಾದಿಂದಾಗಿ ಅಮೆರಿಕಾದಲ್ಲಿ ಸಾಕಷ್ಟು ಮಂದಿ ಉದ್ಯೋಗಗಳನ್ನ ಕಳೆದುಕೊಂಡಿದ್ದರು.ಇಲ್ಲಿನ ಟಿವಿಎ ನಂಥ ಪ್ರತಿಷ್ಠಿತ ಕಂಪೆನಿಗಳು ಹೊರ ಗುತ್ತಿಗೆ ನೀಡಲು ಮುಂದಾಗಿದ್ದವು. ಎಚ್​1ಬಿ ವೀಸಾ ವಿತರಣೆಯನ್ನ ವರ್ಷಂತ್ಯದವರೆಗೆ ರದ್ದುಗೊಳಿಸಬೇಕೆಂಬುದು ಅಮೆರಿಕಾ ಸರ್ಕಾರ ಆದೇಶ ಹೊರಡಿಸಿತ್ತು. ಒಂದು ತಿಂಗಳು ಕಳೆದ ಬೆನ್ನಲ್ಲೆ ಟ್ರಂಪ್ ಈ ಕ್ರಮ ಕೈಗೊಂಡಿದ್ದಾರೆ.

ಮುಂದಿನ ನವೆಂಬರ್​ನಲ್ಲಿ ಅಮೆರಿಕದಲ್ಲಿ ಅಧ್ಯಕ್ಷಿಯ ಚುನಾವಣೆ ನಡೆಯಲಿದೆ. ಮತ್ತೊಮ್ಮೆ ಆಧ್ಯಕ್ಷನಾಗಲು ಮುಂದಾಗಿರುವ ಟ್ರಂಪ್ ವಿದೇಶಿಗರಿಂದ ಇಲ್ಲಿನ ಸ್ಥಳೀಯ ಉದ್ಯೋಗಿಗಳಿಗೆ ಆಗುತ್ತಿರುವ ತೊಂದರೆಗಳನ್ನ ತಪ್ಪಿಸುವುದಕ್ಕಾಗಿ ಈ ಕ್ರಮ ಕೈಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ಉದ್ಯೋಗದಲ್ಲಿ ಅಮೆರಿಕನ್ನರಿಗೆ ಮೊದಲು ಅವಕಾಶ ಸಿಗಬೇಕು. ಕಷ್ಟಪಟ್ಟು ಕೆಲಸ ಮಾಡುವ ಇಲ್ಲಿನ ಜನರಿಗೆ ಮೋಸ ಆಗಬಾರದು. ಈ ಕಾರಣಕ್ಕಾಗಿ ಎಚ್​1 -ಬಿ ವೀಸಾ ವಿರುದ್ಧದ ಕಾರ್ಯದೇಶಕ್ಕೆ ಸಹಿ ಮಾಡುತ್ತಿದ್ದೇನೆ ಎಂದಿದ್ದಾರೆ.

ಈ ಹೊಸ ವೀಸಾ ನಿಯಮಾವಳಿಗಳು ಬಿಗಿಯಾಗಲಿದ್ದು, ಇನ್ನು ಮುಂದೆ ಅಮೆರಿಕದವರ ಕೆಲಸವನ್ನ ವಿದೇಶಿಯರು ಕಿತ್ತುಕೊಳ್ಳಲು ಸಾಧ್ಯವಿಲ್ಲ.ವಿಶೇಷ ಪರಿಣಿತಿ ಹೊಂದಿರುವ ವಿದೇಶ ಉದ್ಯೋಗಿಗಳಿಗೆ ಮಾತ್ರ ಇನ್ನು ಮುಂದೆ ಅವಕಾಶ ಎಮದು ಗುಡುಗಿದ್ದಾರೆ.