3 ಸಾವಿರ ಸ್ಕ್ರೀನ್​​ಗಳಲ್ಲಿ ಪೈಲ್ವಾನ್​ ಬಿಡುಗಡೆ : ಇದು ರಿಯಲ್​ ಕಿಚ್ಚೋತ್ಸವ

ಬೆಂಗಳೂರು: ಕಿಚ್ಚ ಸುದೀಪ್​ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಪೈಲ್ವಾನ್​ ಇದೇ ಗುರುವಾರ ವಿಶ್ವಾದ್ಯಂತ ರಿಲೀಸ್ ಆಗ್ತಿದೆ. ಸಿನಿಮಾ ಬಿಡುಗಡೆಗೂ ಮುನ್ನ, ಇವತ್ತು ಸಂಜೆ ಸುದ್ದಿಗೋಷ್ಠಿ ನಡೆಸಿ, ಬಿಡುಗಡೆ ವಿವರವನ್ನ ನೀಡಲಾಯ್ತು. ಗುರುವಾರ ಸಿನಿಮಾ ತೆರೆ ಕಾಣ್ತಿದ್ದು, ಬರೋಬ್ಬರಿ 3000 ಸ್ಕ್ರೀನ್​​ಗಳಿಗಿಂತಲೂ ಹೆಚ್ಚು ಕಡೆ ಪ್ರದರ್ಶನಕ್ಕೆ ತಯಾರಿ ಮಾಡಲಾಗಿದೆ ಎಂದು ಸಿನಿಮಾ ತಂಡ ಮಾಹಿತಿ ನೀಡ್ತು.

ಕನ್ನಡ, ಹಿಂದಿ, ತಮಿಳು, ತೆಲುಗು ಹಾಗೂ ಮಲಯಾಳಂ ಭಾಷೆಗಳಲ್ಲಿ ಪೈಲ್ವಾನ್​ ರಿಲೀಸ್ ಆಗ್ತಿದೆ. ಹಿಂದು ವರ್ಷನ್ ಮಾತ್ರ ಒಂದು ದಿನ ತಡವಾಗಿ ಅಂದ್ರೆ ಶುಕ್ರವಾರ ಬಿಡುಗಡೆ ಆಗ್ತಿದೆ ಎಂದರು. ಕೆಜಿಎಫ್​ ಸಿನಿಮಾ ವಿತರಕರಾಗಿದ್ದ ಕಾರ್ತಿಕ್​ ಗೌಡ, ಪೈಲ್ವಾನ್​ ಸಿನಿಮಾವನ್ನೂ ವಿತರಣೆ ಮಾಡ್ತಿದ್ದಾರೆ. ಕೆಜಿಎಫ್​ ಸಿನಿಮಾ ಬಳಿಕ ದೇಶಾದ್ಯಂತ ದೊಡ್ಡ ಮಟ್ಟದಲ್ಲಿ ಬಿಡುಗಡೆ ಆಗ್ತಿರೋ ಸಿನಿಮಾ ಪೈಲ್ವಾನ್​.

ಎಸ್.ಕೃಷ್ಣ ನಿರ್ದೇಶನ ಮಾಡಿ, ನಿರ್ಮಿಸಿರೋ ಸಿನಿಮಾ ಪೈಲ್ವಾನ್​. ಬಿಡುಗಡೆ ಆಗ್ತಿರೋ ಖುಷಿಗೆ ಇಡೀ ಚಿತ್ರತಂಡ ಕೇಕ್​ ಕಟ್​ ಮಾಡಿ ಸಂಭ್ರಮಿಸಿದ್ರು. ಕರ್ನಾಟಕದಲ್ಲೇ 400 ಥಿಯೇಟರ್​ಗಳಲ್ಲಿ ಪೈಲ್ವಾನ್​ ಸಿನಿಮಾ ರಿಲೀಸ್​ ಆಗ್ತಿರೋದು ವಿಶೇಷ. ಸುದ್ದಿಗೋಷ್ಠಿಯಲ್ಲಿ ನಿರ್ದೇಶಕ ಕೃಷ್ಣ, ಕಿಚ್ಚ ಸುದೀಪ್​, ಕ್ರೇಜಿಸ್ಟಾರ್ ರವಿಚಂದ್ರನ್​ ಸೇರಿದಂತೆ ಹಲವು ತಾರೆಯರು ಉಪಸ್ಥಿತರಿದ್ರು.