3 ಗಂಟೆ ಸಿನಿಮಾ ಸಾಹೋ ಬಗ್ಗೆ ಸೆನ್ಸಾರ್​ ಮಂಡಳಿ ಹೇಳಿದ್ದೇನು.? ಹೇಗಿದೆ ಪ್ರಭಾಸ್​ ಸಾಹೋ ಸಿನಿಮಾ.?

ಹೈದ್ರಾಬಾದ್ : ಬಹು ನಿರೀಕ್ಷಿತ ಸಾಹೋ ಸಿನಿಮಾ ಇನ್ನೇನು ರಿಲೀಸ್​ ಗೆ ರೆಡಿಯಾಗಿದೆ. ಇದೇ ತಿಂಗಳ 30ರಂದು ತೆಲುಗು, ತಮಿಳು, ಮಲಯಾಳಂ ಸೇರಿ ಹಿಂದಿಯಲ್ಲೂ ಪ್ರಭಾಸ್​ ಹಾಗೂ ಶ್ರದ್ಧಾ ಕಪೂರ್ ಅಭಿನಯದ ಸಾಹೋ ರಿಲೀಸ್​ ಆಗ್ತಿದೆ. ಬರೋಬ್ಬರಿ 300 ಕೋಟೆ ಬಜೆಟ್​​ನ ಸಿನಿಮಾ ಇದಾಗಿದ್ದು, ಸಾಕಷ್ಟು ನಿರೀಕ್ಷೆಗಳನ್ನ ಹುಟ್ಟಿಹಾಕಿದೆ. ಶನಿವಾರ ಸಾಹೋ ಸಿನಿಮಾದ ಸೆನ್ಸಾರ್​ ಪ್ರಕ್ರಿಯೆ ಮುಗಿದಿದೆ.

ಸಾಹೋ ಸಿನಿಮಾ ರನ್​ ಟೈಮ್​ ಬರೋಬ್ಬರಿ 2 ಗಂಟೆ 52 ನಿಮಿಷ ಇದೆ. ಅಂದ್ರೆ, ಸರಿ ಸುಮಾರು 3 ಗಂಟೆಯ ದೊಡ್ಡ ಸಿನಿಮಾ ಸಾಹೋ. ಆದ್ರೆ, ಸಿನಿಮಾ 3 ಗಂಟೆ ಇದ್ದರೂ ಎಲ್ಲೂ ಬೋರ್​ ಆಗಲ್ಲ. ಅಥವಾ ಸಿನಿಮಾ ಲೆಂಥಿ ಇದೆ ಎಂದು ಅನ್ನಿಸೋದಿಲ್ಲ ಎಂದು ಸೆನ್ಸಾರ್​ ಮಂಡಳಿ ಸದಸ್ಯರು ಹೇಳಿದ್ದಾರೆ.

ಹೈದರಾಬಾದ್​ನಲ್ಲಿ ಸಿನಿಮಾ ವೀಕ್ಷಿಸಿದ ಸೆನ್ಸಾರ್ ಮಂಡಳಿ ಸದಸ್ಯರು, ಸಾಹೋ ಸಿನಿಮಾದ ಆಕ್ಷನ್​ ಸೀನ್​​ಗಳಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಿನಿಮಾ ತುಂಬಾ ಚೆನ್ನಾಗಿದೆ, ಆಕ್ಷನ್​ ಸೀಕ್ವೆನ್ಸ್​ಗಳು ಅದ್ಭುತವಾಗಿ ಬಂದಿವೆ. ಸಿನಿಮಾದಲ್ಲಿ ಹಲವು ಟ್ವಿಸ್ಟ್​ಗಳಿದ್ದು, ಪ್ರೇಕ್ಷಕರಿಗೆ ಇಷ್ಟವಾಗುತ್ತೆ ಎಂದು ಪಾಸಿಟಿವ್​ ರಿಯಾಕ್ಷನ್​ ಕೊಟ್ಟಿದ್ದಾರೆ.

ಸೆನ್ಸಾರ್ ಮಂಡಳಿ ಸದಸ್ಯರ ಪಾಸಿಟಿವ್ ರಿಯಾಕ್ಷನ್​ನಿಂದಾಗಿ ನಿರ್ಮಾಪಕರು, ನಿರ್ದೇಶಕರು ಸೇರಿದಂತೆ ಇಡೀ ಸಾಹೋ ಸಿನಿಮಾ ತಂಡ ಕೊಂಚ ನಿಟ್ಟುಸಿರು ಬಿಟ್ಟಿದೆ. ಆದರೂ 3 ಗಂಟೆ ಸಿನಿಮಾವನ್ನ ಪ್ರೇಕ್ಷಕರು ಹೇಗೆ ಸ್ವೀಕರಿಸ್ತಾರೆ ಅನ್ನೋದು ಇನ್ನೈದು ದಿನಗಳಲ್ಲಿ ಗೊತ್ತಾಗಲಿದೆ..