2028ರ ಒಲಿಂಪಿಕ್ಸ್​ನಲ್ಲಿ ಕ್ರಿಕೆಟ್​ ಇರುತ್ತಾ..? : ಕ್ರೀಡಾ ಅಭಿಮಾನಿಗಳಿಗೆ ಗುಡ್​ ನ್ಯೂಸ್​.!

ದುಬೈ : ಪ್ರತಿಷ್ಠಿತ ಒಲಿಂಪಿಕ್ಸ್​ ಕ್ರೀಡಾಕೂಟದಲ್ಲಿ ಕ್ರಿಕೆಟ್​​ ಅನ್ನು ಸೇರಿಸುವ ಪ್ರಕ್ರಿಯೆ ಅಧಿಕೃತವಾಗಿ ಆರಂಭವಾದಂತ ಕಾಣ್ತಿದೆ. ಯಾಕಂದ್ರೆ, ಐಸಿಸಿ (ಅಂತಾರಾಷ್ಟ್ರೀಯ ಕ್ರಿಕೆಟ್​ ಕೌನ್ಸಿಲ್​) ಈಗಾಗ್ಲೇ ಒಲಿಂಪಿಕ್ಸ್​ನಲ್ಲಿ ಕ್ರಿಕೆಟ್​ ಆರಂಭಿಸೋ ಕುರಿತು ಚರ್ಚೆ ಶುರು ಮಾಡಿದೆ. ಈ ಬಗ್ಗೆ ಮಾತ್ನಾಡಿರೋ ಎಂಸಿಸಿ (ಮೆರಿಲ್​ಬೋನ್ ಕ್ರಿಕೆಟ್​ ಕೌನ್ಸಿಲ್​) ಅಧ್ಯಕ್ಷ ಮೈಕ್ ಗೇಟಿಂಗ್​, 2028ರ ಒಲಿಂಪಿಕ್ಸ್​ನಲ್ಲಿ ಕ್ರೀಡಾ ಅಭಿಮಾನಿಗಳು ಕ್ರಿಕೆಟ್​ಅನ್ನೂ ಕೂಡ ನೋಡುವ ಸಾಧ್ಯತೆ ಇದೆ ಎಂದಿದ್ದಾರೆ. ಈ ಕುರಿತು ಎಂಸಿಸಿ ಸಭೆಯಲ್ಲಿ ಚರ್ಚೆ ನಡೆಸಿರೋದಾಗಿ ಅವರು ಹೇಳಿದ್ದಾರೆ.

ಐಸಿಸಿ ಮುಖ್ಯ ಕಾರ್ಯ ನಿರ್ವಾಹಕ ಮನು ಸಾಹ್ನೆ ಜೊತೆಯೂ ಈ ಕುರಿತು ಮಾತುಕತೆ ನಡೆದಿದೆ. ಮುಂಬರುವ ಒಂದೂವರೆ ವರ್ಷದಲ್ಲಿ ಈ ಕುರಿತು ಸ್ಪಷ್ಟ ಚಿತ್ರಣ ಸಿಗಲಿದೆ. ಒಲಿಂಪಿಕ್ಸ್​ಗೆ ಕ್ರಿಕೆಟ್​ ತಂಡಗಳು ಹೇಗೆ ಅರ್ಹತೆ ಪಡೆಯಬೇಕು..? ಯಾವ ರೀತಿ ತಂಡಗಳ ಆಯ್ಕೆ ಎಂಬುದರ ಬಗ್ಗೆ ಚರ್ಚೆ ಆಗ್ತಿದೆ. ಮುಂದಿನ ದಿನಗಳಲ್ಲಿ ಈ ಬಗ್ಗೆ ಅಧಿಕೃತ ನಿರ್ಧಾರ ಹೊರಬೀಳಲಿದೆ ಎಂದು ಎಂಸಿಸಿ ಅಧ್ಯಕ್ಷ ಮೈಕ್ ಹೇಳಿದ್ದಾರೆ.

ಬಿಸಿಸಿಐ ಒಪ್ಪುತ್ತಾ..?

ಒಲಿಂಪಿಕ್ಸ್ ನಿಯಮಾವಳಿಗಳ ಪ್ರಕಾರ, ಎಲ್ಲಾ ಕ್ರೀಡಾ ಫೆಡರೇಷನ್​ಗಳು ನಾಡಾ ವ್ಯಾಪ್ತಿಗೆ ಒಳಪಡಬೇಕು. ನಾಡಾ ಅಂದ್ರೆ, ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ ಘಟಕ. ಇತ್ತೀಚೆಗೆ ಬಿಸಿಸಿಐ ಕೂಡ ನಾಡಾ ವ್ಯಾಪ್ತಿಗೆ ಬಂದಿದೆ. ಹೀಗಾಗಿ, ಕ್ರಿಕೆಟ್​ ಕೂಡ ಒಲಿಂಪಿಕ್ಸ್​​ನಲ್ಲಿ ಸೇರ್ಪಡೆಯಾಬಹುದು. ಆದ್ರೆ, ಇದಕ್ಕೆ ಬಿಸಿಸಿಐ ಒಪ್ಪುತ್ತಾ ಅನ್ನೋ ಪ್ರಶ್ನೆ ಕೂಡ ಕಾಡ್ತಿದೆ. ಕ್ರಿಕೆಟ್​ನಲ್ಲಿ ಐಸಿಸಿಗಿಂತಲೂ ಬಿಸಿಸಿಐ ಒಪ್ಪಬೇಕು. ಯಾಕಂದ್ರೆ, ಐಸಿಸಿಗಿಂತಲೂ ಬಿಸಿಸಿಐ ಹೆಚ್ಚು ಶ್ರೀಮಂತ ಮತ್ತು ಕ್ರಿಕೆಟ್​ ಅಭಿಮಾನಿಗಳು ಹೆಚ್ಚಾಗಿ ಇರೋದು ಭಾರತದಲ್ಲಿ. ಹೀಗಾಗಿ, ಕ್ರಿಕೆಟ್​ ಅನ್ನು ಒಲಿಂಪಿಕ್ಸ್​ನಲ್ಲಿ ಸೇರಿಸಬೇಕಾದ್ರೆ, ಬಿಸಿಸಿಐ ಬೆಂಬಲ ಮತ್ತು ಒಪ್ಪಿಗೆ ಬಹಳ ಮುಖ್ಯವಾಗಿರುತ್ತೆ.