2011ರ ವಿಶ್ವಕಪ್ ಫಿಕ್ಸಿಂಗ್ ಆರೋಪ- ಮಾಜಿ ನಾಯಕನನ್ನ ವಿಚಾರಣೆಗೆ ಒಳಪಡಿಸಿದ ಲಂಕಾ ಪೊಲೀಸರು

2011 ರ ಏಕದಿನ ವಿಶ್ವಕಪ್​ ಫೈನಲ್​ ನಲ್ಲಿ ಮ್ಯಾಚ್​ ಫಿಕ್ಸಿಂಗ್​ ನಡೆದಿದೆ ಎಂಬ ಆರೋಪಕ್ಕೆ ಸಂಬಂಧಿಸಿದಂತೆ ಲಂಕಾ ಪೊಲೀಸರು ಮಾಜಿ ಅರವಿಂದ ಡಿ’ಸಿಲ್ವಾ ಅವರನ್ನ ವಿಚಾರಣೆಗೆ ಒಳಪಡಿಸಿದ್ದಾರೆ.

ಶ್ರೀಲಂಕಾದ ಮಾಜಿ ಕ್ರೀಡಾ ಸಚಿವ ಮಹಿದಾನಂದ ಅಲತುಗಮಗೆ 2011ರ ವಿಶ್ವಕಪ್​ ಫೈನಲ್​ನಲ್ಲಿ ಭಾರೀ ಫಿಕ್ಸಿಂಗ್​ ನಡೆದಿತ್ತು.ಲಂಕಾ ಮಂಡಳಿ ವಿಶ್ವಕಪ್​ ಅನ್ನ ಮಾರಿದರು ಎಂದು ಹೇಳಿ ವಿಶ್ವ ಕ್ರಿಕೆಟ್​ನಲ್ಲಿ ಭಾರೀ ಸುಂಟರಗಾಳಿ ಎಬ್ಬಿಸಿದ್ದರು.

ಅಂದು ಮುಂಬೈನ ವಾಖೆಂಡೆ ಅಂಗಳದಲ್ಲಿ ನಡೆದ ಅಂತಿಮ ಕದನದಲ್ಲಿ ಗೌತಮ್​ ಗಂಭೀರ್​ (97) ಮತ್ತು ಧೋನಿ (91) ರನ್​ಗಳ ನೆರವಿನಿಂದ ಸುದೀರ್ಘ 28 ವರ್ಷಗಳ ಬಳಿಕ ವಿಶ್ವಕಪ್​ ಎತ್ತಿಹಿಡಿದು ಹೊಸ ಇತಿಹಾಸ ಬರೆದಿತ್ತು.

ಮ್ಯಾಚ್​ ಫಿಕ್ಸಿಂಗ್​ ಆರೋಪಕ್ಕೆ ಸಂಬಂಧಿಸಿದಂತೆ ಮಾಜಿ ಸಚಿವ ಅಲತುಗಮಗೆಯನ್ನ ಪ್ರಶ್ನಿಸಿದಾಗ ಯು ಟರ್ನ್​ ಹೊಡೆದಿದ್ದರು. ಇದೀಗ ಅರವಿಂದ ಡಿ’ಸಿಲ್ವಾ ಅವರ ಹೇಳಿಕೆಯನ್ನ ಲಂಕಾ ಪೊಲೀಸರು ದಾಖಲಿಸಿದ್ದಾರೆ ಮೂಲಗಳ ಪ್ರಕಾರ ಫೈನಲ್​ನಲ್ಲಿ ಆಡಿದ್ದರ ಮಾಜಿ ಆಟಗಾರ ಉಪುಲ್​ ತರಂಗಾ ಅವರನ್ನ ಪೊಲೀಸರು ವಿಚಾರಣೆಗೆ ಒಳಪಡಿಸಲಿದ್ದಾರೆ ಎಂದು ತಿಳಿದು ಬಂದಿದೆ.