1930ರ ಬಾಂಬ್​​ ಈಗ ಸಮುದ್ರದಲ್ಲಿ ಪತ್ತೆ..? : ಸಿಕ್ಕಿದ್ದು ಹೇಗೆ..? ಮುಂದೇನಾಯ್ತು ಅಂತ ಓದಿ..

ಬಾರ್ಸಿಲೋನಾ : ಅದು 1930ರ ಸಮಯ. ಸ್ಪೇನ್​ನಲ್ಲಿ ಯುದ್ಧ ನಡೀತಿದ್ದ ಕಾಲ. ಆಗಷ್ಟೇ, ಮೊದಲ ಮಹಾಯುದ್ಧ ಮುಗಿದಿದ್ರೂ, ರಾಷ್ಟ್ರಗಳ ನಡುವಿನ ಯುದ್ಧ ಮಾತ್ರ ನಿಂತಿಲ್ಲ. ಎರಡನೇ ವಿಶ್ವ ಯುದ್ಧದ ಬಳಿಕ ಎಲ್ಲವೂ ಈಗ ಇತಿಹಾಸದ ಪುಟಗಳಲ್ಲಿ ಸೇರಿವೆ. ಆದ್ರೀಗ, 1930ರಲ್ಲಿ ಬಳಸಿದ್ದ ಬಾಂಬ್​ವೊಂದು ಸಮುದ್ರದ ಆಳದಲ್ಲಿ ಪತ್ತೆಯಾಗಿದೆ.

ಬಾಂಬ್​ ಪತ್ತೆಯಾಗಿದ್ದು ಹೇಗೆ..?

ಬಾರ್ಸಿಲೋನಾದ ಬೀಚ್​​ನಲ್ಲಿ ಈ ಬಾಂಬ್​ ಪತ್ತೆಯಾಗಿದೆ. ಸಮುದ್ರ ಯಾನ ಮಾಡುವಾಗ ಈ ಬಾಂಬ್​ ನೋಡಿದ ಪ್ರವಾಸಿಗರು, ತಕ್ಷಣ ಪೊಲೀಸರಿಗೆ ತಿಳಿಸಿದ್ದಾರೆ. ಇದಾದ್ಮೇಲೆ ಸಿವಿಲ್​ ಗಾರ್ಡ್​ ಫೋರ್ಸ್​​ ನುರಿತ ತಜ್ಞರನ್ನ ಸಮುದ್ರದ ಆಳಕ್ಕೆ ಇಳಿಸಿ, ಬಾಂಬ್​ ಮೇಲಕ್ಕೆ ಎತ್ತಿದ್ದಾರೆ. 45 ಮೀಟರ್​ ಆಳದಲ್ಲಿ ಈ ಬಾಂಬ್​ ಪತ್ತೆಯಾಗಿದ್ದು, ಸುಮಾರು 70 ಕೆಜಿ ತೂಕವಿದೆ.

1930ರ ಸಮಯದಲ್ಲಿ ಇಟಲಿ ಸೇನೆ ಈ ಬಾಂಬ್​ಗಳನ್ನ ಎಸೆದಿದೆ ಎನ್ನಲಾಗಿದೆ. ಮೆಡಿಟೇರಿಯನ್​ ನಗರದ ಮೇಲೆ ಈ ಬಾಂಬ್​ ಎಸೆಯಲಾಗಿತ್ತು ಎಂದು ತಿಳಿದುಬಂದಿದೆ.