ನಿಷ್ಕ್ರೀಯಗೊಳ್ಳಲಿದೆ 18ಕೋಟಿ ಪಾನ್ಕಾರ್ಡ್..? ಪಾನ್-ಆಧಾರ್ ಜೋಡಣೆಗೆ ಫೈನಲ್ ಡೆಡ್ಲೈನ್

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ನಿಮ್ಮ ಪಾನ್​ ಕಾರ್ಡ್​ ಆಧಾರ್​ ಕಾರ್ಡ್​ ಜೊತೆ ಲಿಂಕ್​​ ಆಗಿದೆಯಾ..? ಆಗಿದೆ ಅಂದ್ರೆ ನೀವು ಬಚಾವ್​​​.. ಆಗಿಲ್ಲ ಅಂದ್ರೆ ಈಗಲ್ಲೇ ಮಾಡಿಕೊಳ್ಳಿ. ಯಾಕಂದ್ರೆ ಮುಂದಿನ ಮಾರ್ಚ್​ 31ರ ಒಳಗೆ ನಿಮ್ಮ ಪಾನ್​ ಕಾರ್ಡ್​ ಆಧಾರ್​ ಕಾರ್ಡ್​ ಜೊತೆ ಲಿಂಕ್​ ಆಗದೇ ಇದ್ರೆ ನೀವು ಬಳಸುತ್ತಿರುವ ಪಾನ್​ಕಾರ್ಡ್​ ನಿಷ್ಕ್ರೀಯಗೊಳ್ಳಲಿದೆ.  

ಇಲ್ಲಿ ತನಕ  32.71 ಕೋಟಿ ಪಾನ್-ಆಧಾರ್ ಜೊತೆ ಲಿಂಕ್ ಆಗಿದೆ. ಪಾನ್ ಜೊತೆ ಆಧಾರ್ ಲಿಂಕ್ ಮಾಡದವರಿಗೆ ಮಾರ್ಚ್ 31, 2021 ರವರೆಗೆ ಪಾನ್-ಆಧಾರ್ ಲಿಂಕ್ ಗೆ ಅವಕಾಶವಿದೆ. ಈ ಕುರಿತು ಮೈ ವಿಲೇಜ್ ಇಂಡಿಯಾ ಮತ್ತೊಮ್ಮೆ ಟ್ವೀಟ್ ಮಾಡಿದೆ.

ಮಾರ್ಚ್ 31ರ ನಂತರವೂ ಆಧಾರ್-ಪಾನ್ ಲಿಂಕ್ ಮಾಡದೆ ಇದ್ದರೆ ಆದಾಯ ತೆರಿಗೆ ಇಲಾಖೆಯ ಪ್ರಕಾರ, ಪಾನ್ ಕಾರ್ಡ್ ನಿಷ್ಕ್ರಿಯವಾಗಲಿದೆ. ಸುಮಾರು 18 ಕೋಟಿ ಮಂದಿ ಆಧಾರ ಲಿಂಕ್ ಮಾಡಿಲ್ಲ ಎಂಬ ಮಾಹಿತಿ ಇದೀಗ ಬಹಿರಂಗವಾಗಿದೆ.