ಇನ್ಮುಂದೆ ಫೋನ್​ ನಂಬರ್ 10 ಅಂಕಿ ಅಲ್ಲ.. 11 ಅಂಕಿಗಳು..! ಯಾಕೆ ಗೊತ್ತಾ..?

ರೈಸಿಂಗ್ ಕನ್ನಡ : ಬಹುತೇಕ ಎಲ್ಲರಿಗೂ ಗೊತ್ತಿರುವಂತೆ ನಾವು ಬಳಸ್ತಿರೋ ಫೋನ್​ ನಂಬರ್​​ಗಳಲ್ಲಿ 10 ಅಂಕಿಗಳಿರುತ್ವೆ. ಭಾರತದಲ್ಲಿ ಮೊಬೈಲ್​ ಬಳಸುವ ಎಲ್ಲರ ನಂಬರ್​ಗಳು 10 ಅಂಕಿಗಳೇ ಇರುತ್ವೆ. ಇದರಲ್ಲಿ ಆರಂಭದ ಅಂಕಿ, 9, 8, 7 ಹೀಗೆ ವಿವಿಧ ನಂಬರ್​ನಿಂದ ಶುರುವಾಗಿವೆ. ಆದ್ರೆ, ಮುಂದೆ 10 ಅಂಕಿಗಳ ಬದಲಿಗೆ 11 ಅಂಕಿಗಳು ಮೊಬೈಲ್​ ನಂಬರ್​ಗೆ ಬರ್ತಿವೆ.

ಯೆಸ್​, 2050ರ ವೇಳೆಗೆ ಭಾರತದಲ್ಲಿ ಮೊಬೈಲ್​ ನಂಬರ್​​ಗೆ ಹೆಚ್ಚು ಡಿಮ್ಯಾಂಡ್​ ಇರುತ್ತೆ. ಹೀಗಾಗಿ, ಈಗಲೇ 10 ಬದಲು, 11 ಅಂಕಿಗಳನ್ನು ಬಳಸು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ. 10 ಅಂಕಿಗಳಿದ್ರೆ, 250 ಕೋಟಿ ಮಂದಿಗೆ ಸೇವೆ ನೀಡಲು ಸಾಧ್ಯವಾಗುತ್ತೆ. ಅದಕ್ಕಿಂತ ಹೆಚ್ಚಾಗಿ ಮೊಬೈಲ್​ ನಂಬರ್​ ನೀಡಲು ಸಾಧ್ಯವಿಲ್ಲ. 250 ಕೋಟಿಗೂ ಹೆಚ್ಚು ಕನೆಕ್ಷನ್​ ಮೊಬೈಲ್​ ನಂಬರ್​ಗಳು ಬೇಕು ಅಂದ್ರೆ, 11 ಅಂಕಿಗಳ ನಂಬರ್ ನೀಡಲೇಬೇಕು.

ಈ ಕುರಿತು ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್​ ಇಂಡಿಯಾ (ಟ್ರಾಯ್​) ಭಾರತದಲ್ಲಿ ಮೊಬೈಲ್​ ಫೋನ್​ ನಂಬರ್ ಬದಲಾವಣೆ ಮಾಡಬೇಕು ಅನ್ನೋ ಚಿಂತನೆ ನಡೆಸಿದೆ. ಶೀಘ್ರದಲ್ಲೇ ಈ ಕುರಿತು ಕೇಂದ್ರ ಸರ್ಕಾರ ನಿರ್ಧಾರ ಪ್ರಕಟಿಸೋ ಸಾಧ್ಯತೆ ಇದೆ. ಮುಂದಿನ 30 ವರ್ಷಗಳ ಬಳಿಕ ಆಗುವಂತ ಸಮಸ್ಯೆಗೆ ಈಗಲೇ ಪರಿಹಾರ ಕಂಡುಕೊಳ್ಳುವ ಆಲೋಚನೆ ಇದಾಗಿದೆ.