ಹೈಡ್ರಾಮಾ ಬಳಿಕ ಕೊನೆಗೂ ಪಿ.ಚಿದಂಬರಂ ಅರೆಸ್ಟ್​ : CBI ಮುಂದೇನು ಮಾಡುತ್ತೆ.?

ನವದೆಹಲಿ : ಮಾಜಿ ಹಣಕಾಸು ಸಚಿವ ಮತ್ತು ಕಾಂಗ್ರೆಸ್​ನ ಹಿರಿಯ ಮುಖಂಡ ಪಿ.ಚಿದಂಬರಂ ಅವರನ್ನ ಬುಧವಾರ ರಾತ್ರಿ ಸಿಬಿಐ ಅಧಿಕಾರಿಗಳು ಬಂಧಿಸಿದ್ದಾರೆ. ಸಾಕಷ್ಟು ಹೈಡ್ರಾಮಾ ಬಳಿಕ, ಸೆಂಟ್ರಲ್​ ಬ್ಯುರೋ ಆಫ್​ ಇನ್ವೆಸ್ಟಿಗೇಷನ್​ ಟೀಮ್​​ನ ಅಧಿಕಾರಿಗಳು ಕೊನೆಗೂ ಪಿ.ಚಿದಂಬರಂ ಅವರನ್ನ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

INX ಮೀಡಿಯಾ ಹಗರಣದಲ್ಲಿ ಆರೋಪಿಯಾಗಿರೋ ಪಿ.ಚಿದಂಬರಂ ಅವರ ಜಾಮೀನು ಅರ್ಜಿಯನ್ನ ದೆಹಲಿ ಹೈಕೋರ್ಟ್​ ವಜಾ ಮಾಡಿತ್ತು. ಇದಾದ ಬಳಿಕ ಚಿದಂಬರಂ ನಾಪತ್ತೆಯಾಗಿದ್ದರು. ಆದ್ರೆ, ಬುಧವಾರ ರಾತ್ರಿ ದೆಹಲಿಯ ಕಾಂಗ್ರೆಸ್​ ಮುಖ್ಯಕಚೇರಿಯಲ್ಲಿ ಕಾಣಿಸಿಕೊಂಡು, ದಿಢೀರ್ ಸುದ್ದಿಗೋಷ್ಠಿ ನಡೆಸಿ, ಮನೆಗೆ ತೆರಳಿದ್ರು.

ಇಷ್ಟರ ಮಧ್ಯೆ, ಸಿಬಿಐ ಹಾಗೂ ಇಡಿ ಅಧಿಕಾರಿಗಳು ಚಿದಂಬರಂ ಅವರನ್ನ ಬಂಧಿಸಲು ಸಿಬಿಐ ಹಾಗೂ ಇಡಿ ಅಧಿಕಾರಿಗಳು ನಿವಾಸಕ್ಕೆ ತೆರಳಿದ್ರು. ಈ ವೇಳೆ, ಕಾಂಗ್ರೆಸ್​ ಕಾರ್ಯಕರ್ತರು ಪ್ರತಿಭಟನೆ ನಡೆಸಿದ್ರು. ಸರಿ ಸುಮಾರು ರಾತ್ರಿ 8 ಗಂಟೆಯಿಂದ ನಡೆದ ಹೈಡ್ರಾಮಾದಿಂದ ಕೊನೆಗೂ ರಾತ್ರಿ 9.45ಕ್ಕೆ ಚಿದಂಬರಂ ಅವರನ್ನ ಬಂಧಿಸಿದ್ರು.