Featured
ಹೆಲೋ ವಿಕ್ರಮ್‌ : ನಾಸದಿಂದ ನಿಸ್ತೇಜ ಲ್ಯಾಂಡರ್‌ಗೆ ಸಂದೇಶ ರವಾನೆ
ಕ್ಯಾಲಿಫೋರ್ನಿಯಾ : ಇಸ್ರೋ ವಿಜ್ಞಾನಿಗಳು ವಿಕ್ರಮ್‌ ಲ್ಯಾಂಡರ್‌ ಜೊತೆ ಸಂಪರ್ಕ ಸಾಧಿಸಲು ಇನ್ನಿಲ್ಲದಷ್ಟು ಪ್ರಯತ್ನಪಡುತ್ತಿರುವ ಬೆನ್ನಲ್ಲೇ ಅಮೆರಿಕಾ ಬಾಹ್ಯಾಕಾಶ ಸಂಸ್ಥೆ ( ನಾಸ) ತನ್ನ ಡೀಪ್‌ ಸ್ಪೇಸ್‌ ಆಂಟೆನಾದಿಂದ ನಿಸ್ತೇಜ ವಿಕ್ರಮ್‌ಗೆ ಹೆಲೋ ಎಂದು ಸಂದೇಶ ರವಾನೆ ಮಾಡಿದೆ.
ದಿನದಿಂದ ದಿನಕ್ಕೆ ವಿಕ್ರಮ್‌ ಸಿಗುವ ಸಾಧ್ಯತೆಗಳು ವಿರಳವಾಗುತ್ತಾ ಹೋಗುತ್ತಿರುವ ಸಂದರ್ಭದಲ್ಲಿ ನಾಸ ಭರವಸೆ ಮೂಡಿಸುವ ಕೆಲಸ ಮಾಡುತ್ತಿದೆ, ಡೀಪ್‌ ಸ್ಪೇಸ್‌ ನೆಟ್ವರ್ಕ್‌ ಅಂಟೆನಾ ಮೂಲಕ ರೇಡಿಯೋ ತರಂಗಗಳನ್ನ ರವಾನಿಸಿದೆ. ಆದರೆ ಯಾವುದೇ ಪ್ರತಿಕ್ರಿಯೆ ಲಭ್ಯವಾಗಿಲ್ಲ, ನಾಸ ಮಾತ್ರ ತನ್ನ ಕೆಲಸವನ್ನ ಮುಂದುವರಿಸಿಕೊಂಡು ಹೋಗುತ್ತಿದೆ.
ನಾಸಾ ಈ ಹಿಂದೆ ತಾನು ಕಳೆದುಕೊಂಡ ಸೆಟಲೈಟ್‌ಗಳನ್ನ ಹುಡುಕಿಕೊಂಡಿದ್ದೂ ಇದೆ, ೨೦೦೫ರಲ್ಲಿ ನಾಸಾದ ಬೇಹುಗಾರಿಕಾ ಉಪಗ್ರಹ ಇಮೇಜ್‌ ಸಂಪರ್ಕ ಕಡಿದುಕೊಂಡು ಅಲೆದಾಡುತ್ತಿತ್ತು, ಇದರ ಜೊತೆ ಸಂಪರ್ಕ ಸಾಧಿಸಿ ಮರು ಸಂವಹನ ನಡೆಸಿತ್ತು.
