Featured
ಹೆಲೋ ನಿಕ್‌ ( ಬಾಹ್ಯಾಕಾಶ ನಿಲ್ದಾಣ), ಭಾರತದ ಲ್ಯಾಂಡರ್‌ ನೋಡಿದ್ರಾ..? : ನಟ ಬ್ರಾಡ್‌ಪಿಟ್‌ಗೇಕೆ ಆಸಕ್ತಿ..?
ಹಾಲಿವುಡ್‌: ಹಾಲಿವುಡ್‌ ಖ್ಯಾತ ನಟ ಬ್ರಾಡ್‌ಪಿಟ್‌ ನಿಮಗೆಲ್ಲಾ ಗೊತ್ತಿರಲೇಬೇಕು. ಆಕ್ಷನ್‌ ಸಿನಿಮಾಗಳ ಕಿಂಗ್‌ ಈತ, ಈಗ ಹೊಸ ಸಿನಿಮಾ ಮಾಡ್ತಿದ್ದಾರೆ, ಸಿನಿಮಾ ಹೆಸರು ಅಡ್‌ ಅಸ್ಟ್ರಾ. ಈ ಸಿನಿಮಾ ಕಥಾ ಹಂದರವೇ ಸೌರವ್ಯೂಹದಲ್ಲಿ ಹೆಣೆದುಕೊಳ್ಳುತ್ತೆ, ಗಗನಯಾತ್ರಿಯ ಪಾತ್ರ ನಿರ್ವಹಿಸಿರುವ ಬ್ರಾಡ್‌ಪಿಟ್‌ ನಾಸಾ ಕೇಂದ್ರ ಕಚೇರಿಯಿಂದ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ವಿಡಿಯೋ ಕರೆ ಮಾಡಿ ನಿಕ್‌ ಹೇಗ್‌ ಜೊತೆ ಇಪ್ಪತ್ತು ನಿಮಿಷಗಳ ಕಾಲ ಮಾತನಾಡಿದರು.
ಬ್ರಾಡ್‌ಪಿಟ್‌ ಸಿನಿಮಾ ಬಗ್ಗೆನೇ ಸಾಕಷ್ಟು ಮಾಹಿತಿ ಹಂಚಿಕೊಂಡು, ನಿಕ್‌ ಹೇಗೆ ಅಲ್ಲಿ ಜೀವನ ಸಾಗಿಸ್ತಾರೆ, ಗುರುತ್ವಾಕರ್ಷಣೆ ಇಲ್ಲದ ಜಾಗದಲ್ಲಿ ಚಲನವಲಯ ಹೇಗೆ ಇರುತ್ತೆ ಎಂಬುದನ್ನೆಲ್ಲಾ ಚರ್ಚೆ ಮಾಡಿದ ನಂತರ, ಹೆಲೋ ನಿಕ್‌ ಭಾರತದ ಚಂದ್ರಯಾನ ೨ರ ಲ್ಯಾಂಡಿಂಗ್‌ ನೋಡಲು ಸಾಧ್ಯವಾಯ್ತಾ..? ನಂತರದ ಸಂದರ್ಭಗಳನ್ನ ಅವಲೋಕನ ಮಾಡಿದ್ರಾ ಎಂದು ಕೇಳಿದ್ದಾರೆ. ಅದಕ್ಕೆ ನಿಕ್‌ ಉತ್ತರಿಸಿ ನಾನು ಹಾಗೂ ನನ್ನ ಸಹೋದ್ಯೋಗಿಗಳಿಗೆ ಸಾಧ್ಯವಾಗಿಲ್ಲ, ನಾವು ಸುದ್ದಿಗಳನ್ನ ಆಧರಿಸಿಯೇ ಕೆಲಸ ಮಾಡ್ತೀವಿ ಎಂದರು.
ಸಿನಿಮಾಕ್ಕೆ ಸಂಬಂಧಿಸಿದಂತೆ ಬ್ರಾಡ್‌ ಪಿಟ್‌ ಹಲವು ಪ್ರಶ್ನೆಗಳನ್ನ ಕೇಳಿದರು, ಆಡ್‌ ಅಸ್ಟ್ರಾ ಸಿನಿಮಾ ಟ್ರೈಲರ್‌ ನೋಡಿರುವ ನಿಕ್‌ ಜೊತೆ ಬಹಳ ಮುಖ್ಯವಾಗಿ ಗ್ರಾವಿಟಿ ಚಿತ್ರವನ್ನ ಪ್ರಸ್ತಾಪಿಸಿ ನಟ ಕ್ಲೂನಿ ಅಭಿನಯ ಚೆನ್ನಾಗಿದ್ಯಾ ಅಥವಾ ನನ್ನ ಅಭಿನಯ ಹೇಗಿದೆ ಎಂದೂ ಕೂಡ ತಮಾಷೆಯಾಗಿ ಮಾತನಾಡಿದ್ದಾರೆ.
